Mäsele oblys äkımdıgınde şekara mäselelerı jönındegı üilestıru keŋesınde talqylandy.
Qazırgı uaqytta eŋ maŋyzdy mäsele - Reseimen şekaradaǧy Qazaqstan azamattaryn qaitaru. Öŋır basşysy Ǧali Esqaliev Resei şekara vedomstvosymen bırge şekara qyzmetı departamentıne bızdıŋ azamattarymyzǧa kömek körsetu boiynşa mäselenı şeşudı tapsyrdy. Sondai-aq, oblys äkımı osy problemany şeşu boiynşa Qazaqstan Ükımetıne ūsynystar jıberdı, olar qazırdıŋ özınde jedel türde qaraluda.
Taǧy bır maŋyzdy mındet BQO aumaǧynda qalǧan RF azamattaryn esepke aludy qamtamasyz etu bolyp tabylady. Oblys äkımı şeteldıkterdı qabyldaityn azamattar üş täulık ışınde polisiia organdaryna olardyŋ kelgenı turaly habarlauy tiıs ekenın atap öttı. Oblys äkımınıŋ orynbasary Baqytjan Narymbetovke köşı-qon qyzmetımen bırlesıp, batysqazaqstandyqtar men migranttardyŋ qūqyqtary men jauapkerşılıgıne bailanysty tüsındıru jūmystaryn küşeitu, habarlandyru sanyn ūlǧaitu jäne qajettı aqparaty bar SMS taratudy ūiymdastyru tapsyryldy.
Zaŋsyz jalǧa berıletın tūrǧyn üilerdıŋ köptıgın eskere otyryp, polisiia departamentıne memlekettık kırıster departamentımen bırlesıp, osyndai jalǧa beruşılerdı anyqtau jäne zaŋnamaǧa säikes şaralar qabyldau tapsyryldy. Oblys äkımı mūndai azamattarǧa jalǧa beru qūqyǧyn resımdeu kürdelı emes ekenın jäne Memlekettık kırıster departamentı organdary aiyppūl sanksiialaryn qoldanudan basqa, osyndai jalǧa beruşılerdı tırkeuge konsultasiialyq kömek körsetuı tiıs ekenın eske saldy. Sifrlyq tehnologiialar basqarmasyna qyzmet bazasynda köşı-qon zaŋnamasy mäselesı boiynşa migranttar men jalǧa beruşılerge 109 nömırı boiynşa keŋes berudı ūiymdastyru tapsyryldy.
Kelesı mındet Qazaqstan azamattarynyŋ da, köşıp-qonuşylardyŋ da qauıpsızdıgın qamtamasyz etu bolyp tabylady. Öŋır basşysy polisiia departamentıne jeke qūramdy küşeitılgen rejimge köşırudı, özınıŋ orynbasary Baqytjan Narymbetovke Batys Qazaqstan oblysy aumaǧynda qoǧamdyq tärtıptı qamtamasyz etuge, qūqyq būzuşylyqtardyŋ aldyn alu jäne boldyrmau maqsatynda qūrylǧan halyq jasaqtary jasaǧyn polisiia departamentınıŋ qaramaǧyna jıberudı tapsyrdy.
"Adyrna" ūlttyq portaly
Ūqsas jaŋalyqtar
