Memlekettık Dumadaǧy partiia fraksiiasynyŋ jetekşısı Sergei Mironov Qazaqstanda orys etnostaryna qysym körsetılıp jatqanyn aityp, eskertu jasady, dep habarlaidy «Adyrna» tılşısı.
«Oŋtüstıktegı körşımızben jaqsy qarym-qatynastyŋ Resei üşın qanşalyqty maŋyzdy ekenın aitpasqa bolmaidy. Däl sol sebeptı Qazaqstandaǧy rusofobiianyŋ kez kelgen körınısı bızdıŋ qoǧamda ötkır reaksiia tuǧyzady. Bızge qarsy ügıt-nasihat jasaǧandardyŋ jaǧdaiy qalai aiaqtalǧanyn bärımız bılemız. Qazaqstanda Z jäne V belgılerıne tyiym salyndy. Būl endı beitaraptyq emes»,—dedı ol.
