Almaty polisiiasy adam ūrlyǧynyŋ betın aşty. Būl turaly Polisia.kz. mälımdedı, dep habarlaidy “Adyrna” ūlttyq portaly.
Aqparat boiynşa, 40 jastaǧy almatylyq qylmyskerlerdıŋ qūrbany bolǧan. Ony Almaty qalasy Almaly audanynda ornalasqan tūrǧyn üi aumaǧynan ūrlap ketken.
"Ūrlanǧan azamattyŋ äielı polisiiaǧa aryzben jügıngen. Dereu arnaiy jedel-tergeu toby qūrylyp, alǧaşqy ıs-şaralar keşenı jürgızıldı, būl ūrlauşylardyŋ jeke basyn jäne olardyŋ jäbırlenuşını qai jerde ūstap otyrǧanyn jyldam anyqtauǧa mümkındık berdı. Er adamdy bosatu boiynşa arnaiy ıs-şara qalanyŋ Türksıb audanyndaǧy qoimalar aumaǧynda jürgızıldı. Tört adam ūstaldy. Olar būryn bopsalau jäne būzaqylyq üşın sottalǧan. Ūrlanǧan azamat aman-esen bosatyldy. Ony qatty soqqyǧa jyqqan jäne oǧan medisinalyq kömek qajet boldy. Jäbırlenuşınıŋ aituynşa, beitanys adamdar ony bosatu üşın 200 myŋ dollar talap etken, äitpese geroiny bar ineksiia engızemız dep qorqytqan", - deidı Almaty qalalyq Polisiia departamentı bastyǧynyŋ orynbasary Didar Ahanov.Qylmystyŋ naqty sebebı QR QK-nıŋ 125-baby 2-bölıgımen tırkeldı. Tergeu barysynda ıstıŋ män-jaiy belgılı bolady. Küdıktıler qamauǧa alyndy.
Ūqsas jaŋalyqtar
