Shymkent qalasy ákiminiń birinshi orynbasary Shyńǵys Muqan 12 jyldyń ishinde sheteldikterdiń Qazaqstannan 8 791 bala asyrap alǵanyn aıtty, dep habarlaıdy «Adyrna» tilshisi.
«1999-2011 jyldar aralyǵynda sheteldikter Qazaqstannan 8 791 balany asyrap alǵan, onyń ishinde 6 421 bala Amerıka asyp ketken.
Amerıkada oqyp júrgende túrli is-sharalar ótkizip, qazaq balalaryn amerıkalyq ata-analarymen shaqyratynbyz. Elge oralǵan soń, birer balany ata-anasymen qonaq etip jiberdik.
Sol kezde bir oılap qoıyp edim. Jyl saıyn 200-300 balany elge aldyryp, on kún qydyrtyp, elmen jaqyndastyryp jiberse… Balalar shetel azamaty bolǵanymen, 8 791 bala degen qanshama halyq. Damyǵan batys elderinde ósip jatyr. Arasynan myqty ǵalym, kásipker shyǵady… Eń bolmaǵanda árqaısysy elimizdiń elshileri»,—dedi ol.
Aıtýynsha, kún astynda júrgen árbir tórtinshi qazaq shetelde turady.
«20 mln qazaqtyń 5 mln shetelde turady dep esepteımiz. Zertteýge de, kórsetýge de úlken taqyryp. Jýrnalıster úshin bolashaǵy bar taqyryp.
Janar Baısemizova dosym osyny erte túsindi. 2009-2013 jyldar aralyǵynda túrli telearnalardan túrli ataýmen shyqqan “Sheteldegi qazaq balalary” efırge qaıta oraldy. “Jibek joly” telearnasynda ár jeksenbide 14-30-de kórsetiledi.
Tarydaı shashylǵan halyqpyz. “Ár qazaq meniń jalǵyzym” dep Sabyr aqyn aıtqandaı, árbir qazaqty túgendep júrer kez kelgeı»,–dep sózin tolyqtyrdy Shyńǵys Muqan.
