Düisenbıde, 22-qazanda äleumettık jelı qyzyl tüske kömılıp qaldy. Qazaqstandyqtar komsomoldyŋ 100-jyldyǧyna qatysty suretterdı jarysa bölıstı. Älde qaşan ölıp qalǧan ūiymnyŋ ǧasyrlyq mereitoiyn kommunister men nūrotandyqtar 20-qazanda Almatydaǧy Abai atyndaǧy Qazaq memlekettık akademiialyq opera jäne balet teatrynda dürkıretıp atap öttı . Taŋqalarlyǧy kommunisterdıŋ özderı qyruar qarjyny talap etetın būl şaranyŋ qalai ūiymdastyrylǧanyn jaqsy bıle bermeidı eken.
Bız QHKP ortalyq komitetınıŋ qūrmettı hatşysy, mäjılıs deputaty Vladislav KOSAREVKE habarlasyp edık, ol «konsert tamaşa öttı» dedı. Qyzyldardyŋ aldynda qalamaqylary myŋdaǧan dollar tūratyn käsıpqoi änşıler än şyrqasa, konsert qalai tamaşa ötpesın! Äleumettık jelıde mäselen, Roza Rymbaevanyŋ suretı jariialandy. Sahna sänı de öte myqty. Arzanqol dünienıŋ joqtyǧy anyq körınedı.
Vladislav KOSAREV bızge bergen sūhbatynda «änşıler tegın än saluy da mümkın, bolmasa, qalamaqy jaǧynan mädeniet jäne sport ministrlıgı kömektesken boluy kerek» dedı.
– Artister tegın öner körsettı me?
– Menıŋşe, solai. Mümkın Mädeniet jäne sport ministrlıgı järdemdestı. Konsert öte tamaşa öttı,– dedı Kosarev.
Kommunisterge nūrotandyqtar Almatydaǧy qazaq memlekettık akademiialyq opera jäne balet teatrynyŋ zalyn jalǧa aluǧa järdemdesıptı. Al, şyǧyn jaǧyn jabudy qalalyq äkımdık qolǧa alypty.
– Almaty äkımdıgı zaldyŋ jalǧa aluyn töledı. Bız (qatysuşylar- red.) 800 adamnan köp boldyq,– deidı Vladislav Kosarev.
Däl osy keşke Almatyǧa Astanadan arnaiyn ūşyp kelgenderdıŋ ışınde parlament deputattary da boldy. Vladislav Kosarevtıŋ sözınşe, kompartiia olardyŋ jol şyǧynyn tölemegen. Al Reseidegı Qazaqstannyŋ elşısı İmanǧali Tasmaǧambetovtyŋ halyqaralyq jol şyǧynyn kım ötegenın kommunist aşyp aitpady.
– Onyŋ jinaǧan aqşasy bar şyǧar. Bolmasa «komandirovkamen» ūşyp keldı. Ol jaǧyn naqty aita almaimyn, –dedı Kosarev.
Kosaervtıŋ sözınşe osy aptada Qazaqstannyŋ barlyq barlyq aimaqtarynda jäne Astanada QHKP jastar qanaty slettar ötkızbek.
Anar Arystanbek
"Jas Alaş"
