Prezident Qasym-Jomart Toqaev Qazaqstan Respublikasynyŋ kök tüstı pasporty ūlttyq bıregeilıgımızdıŋ simvoly boluy kerek ekenın aitty, dep habarlaidy “Adyrna” ūlttyq pootaly.
"Bırlık, yntymaq, toleranttylyq, özara qūrmet, janaşyrlyq jäne ärqaşan bır-bırımızge qol ūşyn beruge daiyn bolu bızdıŋ dästürımız ben mädenietımızdıŋ negızınde jatyr. Bızdıŋ ūlttyq bolmysymyzdy qalyptastyratyn būl bıregei qūndylyqtardy jasandy ideologiialyq qūrylymdarǧa telu oŋai emes. Bıraq, menıŋ oiymşa, būǧan qajettılık joq. Qazaqstan Respublikasynyŋ kök pasporty bızdıŋ ūlttyq bıregeilıgımızdıŋ qarapaiym, bıraq basty körsetkışı boluy kerek ekenıne senımdımın. Būl qūjat – bızdıŋ memlekettılıgımızdıŋ tıregıne ainalǧan ozyq qaǧidattardyŋ nyşany. Qazaqstan Respublikasy azamatynyŋ pasporty ırgelı qūndylyqtardy bıldıredı. Sonyŋ arqasynda bızdıŋ elımız bükıl älemge etnosaralyq jäne dınaralyq toleranttylyqtyŋ jarqyn ülgısı retınde tanymal boldy. Qazaqstan pasporty – ädıldıktıŋ jäne ūlttyŋ bolaşaqqa ūmtylysynyŋ simvoly", - dedı Prezident.Onyŋ aituynşa, kök pasportty bükıl älem tanidy jäne qūrmetteidı.
"Şet memleketterdıŋ vizalaryn berudı qosa alǧanda şetelde qazaqstandyq pasportqa qatysty qandai da bır şekteuler joq. Būl – Ädılettı Qazaqstandy qūruǧa baǧyttalǧan elımızdıŋ teŋgerımdı ärı jauapty syrtqy saiasi baǧdary men ışkı saiasatynyŋ tıkelei nätijesı", - dedı Prezident.