Almatyda ata-analar mektep ashanasyndaǵy tamaqtyń sapasyna shaǵymdandy. Sózderinshe, toǵyz jyldan beri oqýshylarǵa shala pisken et pen kúıgen kotlet berip kelge. Saldarynan balalardyń keıbiri aýrýhanadan bir-aq shyqqan. Bul týraly Eýrazııa birinshi arnasy jarııalady, dep habarlaıdy “Adyrna” ulttyq portaly.
Ata-analar №117 mekteptiń ashanasyna qatysty másele 9 jyldan beri sheshilmeı kelgenin aıtady. Olar balalarǵa shala pisken tamaq beredi dep ashýly. Sózderinshe, oqýshylar tamaq ishpeı, mektepten ash-qursaq qaıtady, keıbiri ushynyp, aýrýhanaǵa da túsken.
"Bizdiń synypta ýlaný deregi boldy. Bul týraly anyqtama da bar. Jalǵyz jaǵdaı emes, balalardyń denesi bórtip ketedi. Ári jelinbegen kóp tamaqty jınap jatqanyn ózimiz de kórdik", - deıdi ata-analardyń biri Ásel Memetova.
Al ashana ıesi muny joqqa shyǵarǵan. Aıtýynsha, sanıtarlyq-epıdemıologııalyq stanııa tarapynan eshqandaı shaǵym túspegen.
"Barlyǵy durys. Ata-analardan osy kúnge deıin aryz bolmaǵan. Mundaı jalǵan aqparattyń qaıdan túsetinin bilmeımin. Meniń 35 jyldyń eńbek ótilim bar jáne meni osylaı aıaqtan shalǵany uıat", – dedi kásipker Baıan Mámbetova.
Ata-analar shaǵymynan keıin asahanada Oqý-aǵartý mınıstrligi men vedomstvoaralyq komıssııa ókilderi tekseris júrgizgen. Degenmen tekseris úshin ǵana shyny ydystardy shyǵaryp, tamaq mólsherin kóbeıtip úlgergen, deıdi. Nátıjesinde astyń talapqa saı daıyndalmaǵany týraly akt toltyrylypty.
"Eki komıssııa tamaqtardy kórip, ólshep, akt toltyrdy. Endi biz shartty buzamyz", – dedi №117 jalpy bilim berý mektebiniń dırektory Gúldana Samalıkova.
Atalǵan mektepte 3 000-ǵa jýyq bala bilim alady. Onyń 1 300-ge jýyǵy memleket tarapynan ystyq tamaqpen qamtylǵan. Bilim ordasynyń basshylyǵy jańa kásipkerlerdi taýyp, máseleni tolyq sheshetinin aıtty.
