Endi Qazaqstandaǵy barlyq mektep oqýshylary 2024 jyldyń 24 qańtarynan bastap Almaty murajaılaryna tegin bara alady, dep habarlaıdy "Adyrna" ulttyq portaly.
Mundaı sheshimdi qalalyq ákimdik qabyldady. 2024 jylǵy 23 qańtarda taratylǵan joldaýda bul oqý úderisin baıytyp, oqýshylardyń mádenıetke, ónerge jáne tarıhqa degen qyzyǵýshylyǵyn oıatatyny atap ótildi.
Sonymen qatar murajaılarǵa barý balalardyń synı oılaýy men taldaý daǵdylaryn damytýǵa kómektesedi.
"Elimizde 3,9 mln oqýshy bar. Biz barlyq bala men jasóspirim óner týyndylaryn, artefaktiler men eksponattardy óz kózderimen kórip, dúnıetanymyn keńeıtkenin qalaımyz. Bul olarǵa qosymsha bilim alyp, tarıhı oqıǵalarǵa tereń úńilýge kómektesedi. Mektep oqýshylary mýzeılerge negizinen synyp jetekshilerimen birge keletinin baıqaımyz. Endi olar oqý jyly barysynda da, demalys kezinde de Almaty ákimdigine qarasty mýzeılerge tegin bara alady", - dedi Almaty ákimdiginiń baspasóz qyzmeti.
Oqýshylar tegin bara alatyn murajaılar tizimi:
1. Almaty tarıhy mýzeıi (Qabanbaı batyr kóshesi, 132)
2. Yqylas atyndaǵy halyq mýzykalyq aspaptar mýzeıi, (Zenkov kósh., 24/A),
3. D.A. Qonaev mýzeıi (Tólebaev kósh., 117),
4. Ádebı-memorıaldyq mýzeı kesheni:
S. Muqanovtyń mýzeı-úıi (Tólebaev kósh., 125, 3-páter)
Ǵ. Músirepovtiń mýzeı-úıi (Qarasaı batyr kósh., 49, 25-páter)
5. Tilendıevtiń memorıaldyq mýzeıi (Qonaev kósh., 96),
6. A.Baıtursynulynyń mýzeı-úıi (Baıtursynuly kósh., 60)
7. Raıymbek batyr mýzeı kesheni (Raıymbek batyr dańǵ., 96 a)
8. Mýltımedııalyq dástúrli mýzyka ortalyǵy (Nurkent sh/a, 5/11)
"Adyrna" ulttyq portaly
