Bügın «Qazaq» qoǧamdyq-saiasi jäne ädebi-mädeni gazetınıŋ jaryqqa şyqqanyna 110 jyl tolyp otyr. Osyǧan qatysty QR Memlekettık keŋesşısı Erlan Qarin özınıŋ instagram paraqşasynda pıkır bıldırdı, dep jazady "Adyrna" ūlttyq portaly.
"Suretşı Evgenii Kimnıŋ «Qazaq» gazetınıŋ baspahanasynda» atty tuyndysy. Ahaŋ, Älekeŋ, Jahaŋdar tūŋǧyş ūlttyq basylym «Qazaq» gazetınıŋ kezektı nömırın äzırlep, baspahanaǧa tapsyryp tūr. Üstel üstınde jaŋa basylyp şyqqan gazet jatyr. Artqy jaqtaǧy fonda baspagerler «Qazaqtyŋ» tolyq tirajyn şyǧaryp tūr. Ūlt baspasözınıŋ alǧaşqy qadamy, ırgetasy qalanyp jatqan sätı öte sättı beinelengen. Bügın bastauynda Älihan Bökeihan, Ahmet Baitūrsynūly, Mırjaqyp Dulatūly tūrǧan «Qazaq» qoǧamdyq-saiasi jäne ädebi-mädeni gazetınıŋ jaryqqa şyqqanyna 110 jyl tolyp otyr. «Qazaq» gazetı sol däuırdıŋ mınberı edı. Şäkärım Qūdaiberdıūly, Mūstafa Şoqai, Mūhamedjan Tynyşbaiūly, Ǧūmar Qaraş, Maǧjan Jūmabaiūly jäne basqa da ziialylar el bolaşaǧy, halyq qamy turaly oilaryn osy gazette jariialap, jūrtşylyqqa jetkızıp otyrdy. Sondyqtan «Qazaq» ötken ǧasyrdyŋ basynda şyn mänındegı ūlttyŋ ünıne ainaldy. Bar-joǧy bes jyl ǧana jaryq körse de memleket ömırınde öşpes ız qaldyrǧan «Qazaq» gazetınıŋ mūrasy ǧasyrdan-ǧasyrǧa jalǧasyp, ūrpaq sanasynda sät saiyn jaŋǧyryp otyrmaq. Ūly tūlǧalarymyzdyŋ qoltaŋbasy qalǧan ūlt basylymynyŋ mereitoiy qūtty bolsyn!", - dep jazdy Erlan Qarin.
"Adyrna" ūlttyq portaly
Ūqsas jaŋalyqtar
saiasat
alaş
mädeniet
Ahmet Baitūrsynūly
Alaş arystary
#älihan_bökeihan
Qazaq gazetı
Mırjaqyp Dulatūly
Ruhaniiat
Älımhan Äbeuūly
