Oralda sabaq ústinde kóz jumǵan 10-synyp oqýshysyna qatysty tyń derekter shyqty, dep jazady "Adyrna" ulttyq portaly.
AstanaTV habarlaýynsha, mektep basshylyǵy balanyń burynnan naýqas ekenin, arnaıy esepte turǵanyn aıtady. Birinshi aýysymda oqıtyn 15 jastaǵy Danııal ózge balalarmen birge sabaq bastalǵansha dálizde júrgen. Keıin qońyraý soǵylyp, synypqa kirdi deıdi. Barlyǵy óz oryndaryna jaıǵasyp, sabaqqa daıyndalyp jatqan kezde jetkinshek es-tússiz qulap túsken kórinedi.
"Jedel járdem shaqyrttyq, medık shaqyrttyq. Sosyn jańaǵy ata-anasyna habarlastyq, dári ishe me dep, mamasy qazir kelemin dep aıtty. Medık kelgenshe qasynda boldyq. Alǵashqy járdem kórsetti. Sosyn medıkter kelgesin bizdi shyǵaryp jiberdi", - deıdi Oral qalalyq №10 mekteptiń muǵalimi Nurgúl Tańatarova.
Mamandar 40 mınýttaı em-dom jasaǵan. Biraq balany ajaldan qutqaryp qala almady. Mekteptegiler Danııal sabaqty jaqsy oqyǵanyn, úlgili tártibimen kózge túskenin aıtady.
"Oqýshy bizge 20-mektepten kelgen, bıyl qyrkúıekte keldi. Ýchetta turatyn bala. «Paralıch RV» degen dıagnozben ýchetta turady. Ata-anasy jazda qaratqan, emin alǵan. Biz barynsha kómek kórsettik alǵashqy kómekti. Kóziniń qarashyǵyn qaradym. Kózi qyzarǵan, jasandy tynys aldyryp, jedel járdem kelgenshe sondaı kómek kórsettik", - deıdi Oral qalalyq №10 mekteptiń medbıkesi Nurgúl Baıǵanatova.
"Adyrna" ulttyq portaly
