Qazaqstannyŋ ädılettı memleket boluynyŋ negızın qūrauşy buyn – jastar. Sondyqtan bolar Memleket basşysy «Ädılettı memleket. Bırtūtas ūlt. Berekelı qoǧam» atty Joldauynda jastardy qoldaityn bastamalarǧa köbırek män berdı. Bügın Şymkent qalasyndaǧy Jūmabek Täşenov universitetınde «Amanat» partiiasynyŋ Şymkent qalalyq filialy Atqaruşy hatşysynyŋ orynbasary Mūratälı Qalmūratov studenttermen kezdesuınde Joldaudy jüzege asyru töŋıregınde pıkırlestı.
Joldauynyŋ üşınşı baǧytynda jas ūrpaqtyŋ densaulyǧyn nyǧaitu, sapaly bılım aluy men jūmyspen qamtu jäne jas käsıpkerlerdı qoldau jönınde aitylǧan. Kezdesu barysynda Mūratälı Orazalyūly Memleket basşysy jastarǧa köp ümıt artyp otyrǧanyn, ädılettı qoǧam qūruda jas buynnyŋ rölı ülken ekenın jetkızdı.
–Damyǧan elderdıŋ tarihyna üŋılseŋız aldymen jastarǧa köbırek köŋıl bölıp, olardyŋ sanaly tärbie men sapaly bılım berudı qolǧa alǧanyn baiqaimyz. Prezidentımız Qasym-Jomart Kemelūly Jaŋa Qazaqstandy qūruda jas buynǧa ümıt artqany Joldauda aiqyn körınıs tapty. Qazır joǧary oqu ornyn aiaqtaǧan jas tülekterdı jūmysqa ornalasu mäselesı alaŋdatatyny ras. Jastarǧa jan-jaqty qoldau memleketımızdıŋ basty mındetterınıŋ bırı ekenın aityp, kelesı jyly 100 myŋ jastyŊ jūmyspen qamtylatynyn jetkızdı. Jas käsıpkerlerge qoldau körsetu maqsatynda olarǧa jeŋıldetılgen tärtıppen 2,5 paiyz bolatyn şaǧyn nesie berıletının mälımdedı. Aldaǧy uaqytta elımızdegı şaǧyn bizneste jastardyŋ tyŋ bastamalarymen jaŋa deŋgeige köterıletınıne nyq senımdımın. Berekelı qoǧamnyŋ bastauy, ädılettı memlekettıŋ negızı de jastar, - dedı ol.Aita ketsek, bügınde jastarmen bırlese Prezident Q.Toqaevtyŋ Joldauyndaǧy maŋyzdy mäselelerdı ıske asyru jönınde türlı ıs-şaralar ūiymdastyryluda. Mūndai pıkırlesu alaŋy qala jastary arasynda memleket tarapynan jasalatyn mümkındıkterdı tereŋ nasihattauǧa jol aşady.
