ÄLİHAN BÖKEIHAN. Ūlaǧatty oilar.

Tırı bolsam, han balasynda qazaqtyŋ haqysy bar edı, qazaqqa qyzmet qylmai qoimaimyn.

 * * *

Bostandyqqa apataryn jalǧyz jol – ūlttyq yntymaq qana.

 * * *

Qazaqtyŋ oqyǧan azamattary, qazaqqa osyndaida qyzmet etpegende qaşan qyzmet etıp, paidamyzdy tigızemız.

* * *

 Alyspaǧan, jūlyspaǧan – bostandyq atyna mınbeidı, būǧaudan bosamaidy, erı – qūldyqtan, äielı – küŋdıkten şyqpaidy, malyna da, basyna da ie bolmaidy.

* * *

Men Altaidan Oralǧa, Sıbır temır joly torabynan Ombyǧa deiıngı keŋ keŋıstıktı mekendegen 4 million qazaq halqynyŋ ökılımın. Qazaqtyŋ bügıngı asqan mūŋy – ana tılın qoldanu bostandyǧy, onyŋ qajettılıgı sailau qarsaŋynda ügıt-nasihat jūmysyn jürgızu barysynda erekşe artyp otyr jäne osyǧan bailanysty menıŋ qūryltaidan ötınerım – jergılıktı tılderdıŋ qūqyn şekteitın zaŋnyŋ tez arada qaita qaraluy talap etılsın.

* * *

Ruhani mädeniettıŋ bır belgısı – jalpy oqu, gazeta, kıtap oqyp, ǧylym jolyn tanu, qol jetkenı ǧylym jolynda ızdenıp, adam balasyna jaqsylyq jol aşu.

* * *

 Bızde bırlık bolyp, ıs qyla bıletın şeber tabylsa, Alaştyŋ balasy baqyt-mahabbat jolyna tüstı!

* * *

 Bailyq tübı – aqyl häm qol ūstalyǧy. Osy ekeuı qosylmai adam balasy qazynaǧa jarymaidy.

* * *

 Qazaq halqynyŋ bır jaqsy mūrasy «jylu»... Osy künde özgerıp kettı, qazaq halqynyŋ ne ädetı özgermedı!? Qazaq halqynyŋ bır köŋıldı köteretın ädetı – qonaq kütuı de jyldan jylǧa būrynǧydai bolmai barady. Būryn qonaqtardy taŋdamai qondyrady eken, tek jolauşymenen bolsa. Osy künde qonaqtardy taŋdap syilaidy. Jaqsylardy, kümıs er-toqymdylardy, bölek atşy alyp jürgenderdı ǧana qondyrady. Qondyrǧan uaqytta köp aramdyq-qulyq, aldauşylyqtar bar – būrynǧy uaqytta bolmaǧan. Bū künde qonaq – baidy aldap, bai – qonaǧyn aldaidy.

* * *

 Adam balasy özge haiuannan aiyrylǧanda – būlardan aqyldy bolyp, qoly şeber bolyp aiyrylady.