13-14 qazanda elordalyq oqýshylar qashyqtan oqytý formatyna ýaqytsha kóshedi. Bul týraly Astana qalalyq bilim basqarmasy málimdedi, dep habarlaıdy “Adyrna” ulttyq portaly.
Basqarmanyń habarlaýynsha, bul kúnderi elordada memleket jáne Úkimet basshylarynyń qatysýymen halyqaralyq forýmdar ótetin bolǵandyqtan, qala joldarynyń keıbir bólikterinde kólik qozǵalysy ishinara shekteledi. Mundaı tájirıbeni kóptegen elder osy sııaqty iri sharalar ótkizgen kezde qoldanady.
Oqýshylar men olardyń ata-analaryna qolaıly bolý úshin 13-14 qazanda qala mektepteriniń bári menshik nysanyna qaramastan, qashyqtan oqytý formatyna kóshe turýy kerek degen sheshim qabyldandy.
Ákimdik ókilderi oqýshylar úshin sabaqtyń mundaı túri tańsyq emes ekenin aıtyp otyr.
«Jalpy, qashyqtan oqytý ádisi oqýshylarǵa tańsyq emes. Óıtkeni, qysta kún raıy buzylǵan kezde oqytýdyń osy formaty qoldanylatyn. Qala mektepteri ondaı sabaqtar ótkizýge qajetti kompıýtermen qamtamasyz etilgenin aıta ketý kerek», - delingen habarlamada.
”Adyrna” ulttyq portaly
