Belgili quqyq qorǵaýshy Aıgúl Orynbek "Bekbolat Tileýhan elden ketti, qara nıhab kııýge, betterin búrkemelep jabýǵa tyıym salatyndaı zań shyǵaraıyq" dep bılik ókilderine úndeý tastady.
"Májiliste otyrǵan 107 depýtat nazaryna! Endi teris aǵym ókilderiniń atrıbýtyna aınalǵan qara nıhab kııýge, betterin búrkemelep jabýǵa tyıym salatyndaı zań shyǵarýdy usynamyn! Qarsy shyǵatyn Bekbolat Tileýhan Elden ketti! Kimnen qorqasyzdar? Ult bolashaǵy úshin bul zań bizge aýadaı qajet!", -dep jazdy ol.
Sonymen qatar Aıgúl Orynbek UQK tóraǵasynan Tık-tok jelisin qatań baqylaýǵa alýyn surady.
"Ulttyq Qaýipsizdik Komıtet tóraǵasy Ermek Aldabergenuly! Tık-tok jelisin baqylaýǵa alýyńyzdy suraımyn! Túngi saǵat 12-00 bastap tańǵy 06:00 deıin betin búrkemelep alǵan, qara jamylǵan jastar osylaı nasıhat júrgizýde! Ózderiniń salt-dástúr ustanbaıtynyn, juma saıyn ıis shyǵarý haram ekenin ashyq aıtady! Tek qyzdar emes er jigitter de dál osylaı ózderiniń kózqarastarynyń durys ekenin ashyq talqylaıdy. Tık-tok jelisin jastar kóp qoldanady. Jastarymyzdyń sanalary ýlanbas úshin, biz aldyn alý profılaktıkasyn jasaýymyz kerek! Sol sebepti tık-tok jelisin baqylaýǵa alyńyzdar! Salt-dástúrimizdi syılamaıtyn terrorıster kóbeıip ketip, erteń qolymyzdy kesh sermep qalmaıyq!", - dep jazdy Aıgúl Orynbek óziniń feısbýk paraqshasynda.
"Adyrna" ulttyq portaly
