Korei etnosynyŋ mädenietı künı atalyp öttı

Bügın Şymkent qalasyndaǧy korei etnosynyŋ mädenietı künı ıs-şarasy öttı. Jiynǧa qalalyq QHA müşelerı, ziialy qauym ökılderı, korei etnikalyq qauymdastyǧynyŋ ökılderı, qalalyq korei etnomädeni bırlestıgınıŋ müşelerı, qala tūrǧyndary qatysty. Şymkent qalasynyŋ ışkı saiasat jäne jastar ısterı jönındegı basqarmasynyŋ basşysy Mūratjan Şotanov şahardaǧy koreiler qauymdastyǧy barlyq salanyŋ damuyna öz ülesterın qosyp jatqanyn atap öttı. - Biyl koreilerdıŋ Qazaqstan jerıne küştep qonys audarǧanyna 85 jyl tolyp otyr. Zūlmat jyldary koreilerdıŋ 8 myŋǧa juyq otbasyn oŋtüstık ölkesı qabyldady. 85-jyldyq kezeŋ ışınde koreiler qauymdastyǧy Qazaqstannyŋ ǧylymy men bılımınde, mädenietınde, önerı men ädebietınde, densaulyq saqtau jüiesınde, sport salasynda jarqyn ız qaldyrdy. Şymkent qalasyndaǧy koreiler qauymdastyǧynyŋ beldı ökılderı qalamyzdyŋ säuletın arttyruǧa, bılımın köteruge, ǧylymyn qalyptastyruǧa, mädenietı men önerın ılgerıletuge, tūrǧyndardyŋ densaulyǧyn saqtauǧa, sportta aldyŋǧy orynnan körınuıne qyzmet etude, - dedı basqarma basşysy. Osydan 33 jyl būryn qalamyzda korei etnomädeni bırlestıgı qūrylyp, oŋtüstık ölkedegı 50 myŋǧa juyq korei etnosy ökılderınıŋ basyn bırıktırdı. Şymkent qalalyq korei etnomädeni bırlestıgınıŋ töraiymy Roza Pak qauymdastyq ökılderı elımızdıŋ damuyna bar küş-jıgerın salyp jatqanyn aita kele, qazaq halqyna alǧysyn jetkızdı. Merekelık jiynda elımızdıŋ äleumettık-mädeni damuyna, ışkı tūraqtylyqty saqtauǧa üles qosqan qauymdastyq ökılderı Şymkent qalasy äkımınıŋ, ışkı saiasat jäne jastar ısterı jönındegı basqarma basşysynyŋ Alǧys hatymen marapattaldy. Is-şarada korei etnomädeni bırlestıgı janyndaǧy şyǧarmaşylyq ūjymdar äzırlegen konserttık baǧdarlama ūsynyldy.