Halyqpen kezdesu oŋ nätije berude

Abai audanyna qarasty Yntymaq-2 şaǧyn audanynyŋ Batys bölıgınde 2 071 üi ornalasqan. İnfraqūrylymmen qamtu mäselesı özektı. Qazırgı taŋda gaz, su, jol, jaryqtyŋ jyryn şeşu üşın qūrylys jūmystary qarqyndy jürgızılude. Şym şahar basşysy M.Äitenov atalǧan eldı mekenge baryp, nysandar qūrylys sapasyn tekserdı, tūrǧyndarymen kezdesıp, ötınış-tılekterın tyŋdady. Aityp öteiık, aumaqty elektr quatymen qamtu maqsatynda merdıger "Turan Energo grupp" JŞS qūrylys jūmystaryn jürgızude. Al "Energo resurs Şymkentgaz" JŞS gaz qūbyrlaryn tartumen ainalysuda. Ekı nysannyŋ da qūrylys jūmystary jyl soŋyna deiın aiaqtalyp, abonentteu jürgızıledı. Köşelerdı asfalttau 2023 jyldan bastap kezeŋ-kezeŋımen jüzege asyrylady. Qazır mūnda 22 köşe bar. 4-ı asfalttalǧan, 15 jolǧa tas töselgen, qalǧan 3-ı topyraq jol. Şaǧynaudan balalary 1 mektep, 3 balabaqşada bılım alady. Batys bölıgıne 900 oryndy mektep salu üşın 2,46 ga jer telımınıŋ qūjaty räsımdelıp, qazır jobalyq-smetalyq qūjaty äzırlenude. 1 sport alaŋşasy el iıgılıgınde, byltyr berılgen. Kezdesu barysynda şeşımın tapqan mäseleler üşın alǧysyn bıldırgen tūrǧyndar, aryz-şaǧymdaryn şahar basşysyna jetkızdı. – Būryn auyl belsendısı retınde tūrǧyndardyŋ mūqtajyn jetkızu üşın barmaǧan jerımız qalmaityn. Nätijesın de körmedık. 2020 jyldan berı özıŋızben jiı kezdesıp, ötınışterımız oryndalyp jatyr, endı jolymyz asfalttalyp, sapaly elektr energiiasyn tūtynatyn kün de alys emes dep oilaimyn,-dedı auyl biı Ä. Balǧabaiūly. Mäselelerdıŋ taiau arada oŋ şeşımın tabuy üşın qala äkımı arnaiy hattama toltyrtyp, sala basşylaryna bırqatar tapsyrmalar jüktedı.