Ūltaralyq tatulyq - barlyq jetıstıkterdıŋ kıltı

Jastardyŋ ūltaralyq tatulyq degendı ūǧynyp, ūlttyq, qoǧamdyq qūndylyqtardyŋ baǧasyna jete bılıp, zaŋǧa baǧynuy öte maŋyzdy. Osyǧan orai Şymkent qalasy "Jastar resurstyq ortalyǧy" KMM-nıŋ ūiymdastyruymen jastar arasynda ūltaralyq tatulyq mäselesıne qatysty türlı ıs-şaralar ötkızudı jiı ūiymdastyryp jür. Keşe atalmyş taqyryp aiasynda jastar arasynda kezdesu öttı. Sonymen bırge Prezidenttıŋ halyqqa Joldauy da keŋınen nasihattaldy. Negızgı maqsaty- jastar boiynda ūltaralyq qatynas mädenietın qalyptastyru, adamgerşılık, basqalardy qūrmetteu siiaqty adami qasietterdı boilaryna sıŋıru. Jastarmen kezdesuge Şymkent qalasynyŋ dın ısterı basqarmasy «Dın mäselelerın zertteu ortalyǧy» KMM-nıŋ teolog mamany Amankeldı Nūrdäulet, Şymkent qalasy Işkı saiasat jäne jastar ısterı jönındegı basqarmasynyŋ "Qoǧamdyq kelısım" KMM-nıŋ ekspertı Jūmabaeva Balnūr jäne MKQK M.Ötebaev atyndaǧy joǧary jaŋa tehnologiialar kolledjnıŋ studentterı qatysty. Jiynda «Jastar arasynda ūltaralyq tatulyq»,«Jat aǧymdardyŋ syrtqy körınısındegı jäne mınezındegı özgeşılıkterı, olardyŋ aldyn alu joldary» atty taqyrypta söz qozǧalyp, onyŋ män-maǧynasy tüsındırıldı. Halyqtyŋ bırlıgı - Qazaqstannyŋ barlyq jetıstıkterınıŋ kıltı ekendıgı aityldy. Öitkenı, ūltaralyq qatynas mädenietı ūlttardyŋ aiyrmaşylyǧyna, tılıne, salt-dästür, ädet-ǧūryptaryna qūrmetpen qarauynan bastalady. -Beibıtşılık pen tūraqtylyq - jalpy halyqtyq jetıstık. Közı aşyq, kökıregı oiau jastar mūny jaqsy tüsınedı. Sondyqtan bügıngı taŋda tatulyqty saqtap, ūiyp otyrǧan bıregei memleketımızdıŋ tynyştyǧy men berekesın arttyru jolynda qyzmet etuımız kerek -dedı ūiymdastyruşylar Jinalǧandar jastar mäselesıne qatysty naqty ūsynystaryn aityp, qoiylǧan sūraqtaryna tolyqqandy jauap aldy.