Mūrat Äitenov Tūrandaǧy infraqūrylym jüielerınıŋ qūrylys barysyn tekserdı

Bügın qala äkımı Mūrat Äitenov Tūran şaǧyn audanyndaǧy infraqūrylym jüielerınıŋ qūrylys barysyn tekserıp, halyqpen kezdestı. Tūran şaǧyn audanyn sapaly elektr quatymen qamtu jūmystary byltyrdan berı qarqyndy jürgızılude. Jalpy qūrylys barysy 2 kezeŋge jobalanǧan. Bügınge deiın 86% oryndalyp, qalǧan jūmys qazan aiynda tolyq aiaqtalady. Odan soŋ abonentteu jürgızılıp, 3058 tūtynuşy sapaly elektr quatymen qamtylady. Būǧan qosa 11,6 şq qūraityn magistraldyq kärız kollektorynyŋ qūrylysy bıttı. Qazırgı taŋda ışkı oramdyq kärız jüiesı salynuda, jyl soŋyna deiın aiaqtalatyn bolady. Būdan soŋ äkım Tūrandaǧy gaz qūrylysyn tekserdı. Ekınşı kezek boiynşa jūmystyŋ 90% oryndalyp, qazan aiy bastalǧanşa №14-29 kvartalda ornalasqan köpqabatty jäne 504 jeke tūrǧyn üi kögıldır otynmen qamtylady. Al üşınşı kezek boiynşa, qūrylys jūmysy aǧymdaǧy jyldyŋ mamyr aiynda bastalǧan. Bügıngı künge 40% atqaryldy. Jalpy Tūran şaǧyn audanyndaǧy 2554 tūrǧyn üige 2023 jyly gaz qūbyry tolyq tartylyp bıtedı. Jūmystardyŋ josparǧai sai jäne sapaly oryndaluyn talap etken qala basşysy jauapty mekemelerge naqty tapsyrmalar berdı.