Şymkentte äskerge şaqyruşylarǧa tapsyrys sany 40 paiyzǧa artqan

Būl jönınde Şymkent qalasynyŋ qorǧanys ısterı jönındegı departamentınıŋ bastyǧy polkovnik Almaz Tıleuhanov aitty. Ol «Şymkent qalasy boiynşa Qazaqstan Respublikasynyŋ Qaruly küşterıne, basqa da äskerlerı men äskeri qūralymdaryna azamattardy merzımdı äskeri qyzmetke şaqyrudy ūiymdastyru jäne jürgızu» taqyrybynda jasaǧan baiandamasynda 2019 jyldan berı äskerge şaqyruşylar sany 40 paiyzǧa artqanyn jetkızdı. Qazaqstan Respublikasy Qaruly küşterı Bas ştaby Ūiymdastyru-jūmyldyru jūmystary departamentı bastyǧynyŋ orynbasary polkovnik Rustam Aqbarovtyŋ jetekşılıgımen Şymkent qalasyndaǧy jergılıktı äskeri basqaru organdarynyŋ basşylyq qūramyna «Küzgı äskerge şaqyru nauqanyn ūiymdastyru men ötkızu» taqyrybynda oqu-ädıstemelık jiyn öttı. Jiynǧa qala äkımınıŋ orynbasary – qalalyq şaqyru komissiiasynyŋ töraǧasy Şyŋǧys Mūqan, Şymkent garnizonynyŋ äskeri prokurory ädılet polkovnigı Baǧlan Teleu jäne basqa da äskerge şaqyru jūmystaryn ūiymdastyruǧa jauapty tūlǧalar qatysty. Jiyn barysynda Şymkent qalasynyŋ qorǧanys ısterı jönındegı departamentınıŋ bastyǧy polkovnik Almaz Tıleuhanov köktemgı äskerge şaqyru kezeŋınıŋ qorytyndysyn şyǧaryp, küzgı nauqanǧa arnalǧan jūmystar men josparlary turaly baiandady. Qorǧanys departamentı bastyǧynyŋ aituynşa, azamattardy merzımdı äskeri qyzmetke şaqyru jospary 2021 jylmen salystyrǧanda 72 adamǧa artqan. – Şymkent qalasynyŋ qorǧanys ısterı jönındegı departamentı 2019 jyly qūrylǧan sätte azamattardy merzımdı äskeri qyzmetke şaqyru jospary 1 jylǧa 1200 juyq balany qūraityn, al qazırgı taŋda 2022 jylǧy köktem-küz äskerge şaqyru jospary 1600 juyq azamatty qamtidy. Qaladan köktemgı şaqyruǧa berılgen tapsyrys artyǧymen – 103%-ǧa oryndaldy. Atap aitsaq, Qaruly küşter qataryna 16 adam, Ūlttyq ūlanǧa 9 adam berılgen tapsyrystan artyq jıberıldı. Küzgı äskerge şaqyru josparyna säikes, qaladan barlyǧy 800-ge juyq adam şaqyrylmaq. Būl jospardy sapaly oryndau üşın 6 myŋnan astam azamatty zerdeleu kerek. Bügınde qala boiynşa 3 myŋnan astam azamat zerdelenıp, onyŋ 300-ge juyǧy ırıktelıp, jeke ısterı tolyqtyryluda, – dedı polkovnik Almaz Tıleuhanov. Sondai-aq, jiyn barysynda Prezident joldauy da talqylandy. Qorǧanys ministrlıgınen kelgen ofiserler qūramy «Sybailas jemqorlyqqa qarsy küres» turaly tarmaqqa naqtyraq toktaldy. Būl jolda Şymkent garnizony äskeri polisiia bölımınıŋ aǧa ofiserı kapitan Erbol Aitbaev pen QR Sybailas jemqorlyqqa qarsy ıs-qimyl agenttıgı Şymkent qalasy boiynşa departamentınıŋ ökılı Jazira Äljanova sybailas jemqorlyqty tudyratyn sebepter men jaǧdailardy joiu turaly negızgı baǧyttarǧa toqtalyp, jemqorlyqqa qarsy küres keşendı negızde, iaǧni memlekettık organdar men azamattardyŋ tyǧyz qarym-qatynasynda jüzege asyryluy kerek ekenın atap öttı.