«Jasyl el» eŋbek jasaqtary qala tazalyǧyna eleulı üles qosty

Şymkent qalalyq jastar resurstyq ortalyǧynda «Jasyl el» eŋbek jasaqtary mausymynyŋ jabylu saltanaty öttı. Şymkent qalasy ışkı saiasat jäne jastar ısterı jönındegı basqarmasynyŋ basşysy Mūratjan Şotanov biylǧy mausymdy qorytyndylap, jobanyŋ maŋyzyna toqtalyp öttı. – «Jasyl el» eŋbek jasaqtary – el aumaǧynda jastardy keŋ auqymda qamtyǧan jobanyŋ bırı. Osy jastar qalanyŋ kögaldandyru jūmystaryna belsene aralasyp, alaŋdarda, saiabaqtarda abattandyru jūmystaryn jürgızdı. Eŋbekterıŋızge alǧysymdy bıldıremın. Joba odan ärı jalǧasyn tabady, – dedı basqarma basşysy. M.Şotanov jobaǧa belsene qatysyp, qalanyŋ körkeiuıne üles qosqan jastardy Alǧys hatpen marapattady. «Jasyl el» eŋbek jasaqtarynyŋ basty maqsaty – jastardy ızettılıkke, parasattylyqqa baulu jäne de bärımızge ortaq qalamyzdyŋ tazalyǧy men mädeniettılıgın saqtai otyryp, osy igı ıs-şarany jastar arasynda nasihattau. Qalanyŋ student jastarynyŋ bos uaqytyn tiımdı paidalanu jäne jūmyssyz jastardyŋ sanyn azaitu. Qalada eŋbek jasaqtarynyŋ biylǧy mausymynda 1313 jas jūmyspen qamtyldy. Jastar qozǧalysy aldaǧy uaqytta öz jalǧasyn tabady. «Şymkent kelbetı»