«Bolashaqqa qadam» jobasy ozyq oıly óskeleń urpaqtyń pikirine qulaq asatyn, onyń júzege asýyn birigip aqyldasatyn, mektep bitirýshi túlekterge kásibı baǵdar berýge baǵyttalǵan ashyq alańǵa aınaldy.
Osyǵan oraı Jastar resýrstyq ortalyǵynyń uıymdastyrýymen «Bolashaqqa qadam» jobasy aıasynda qalamyzdaǵy birneshe mekteptiń bitirýshi synyptaǵy oqýshylary belgilengen keste boıynsha túrli kásiporyndarǵa ekskýrsııa jasady.
Ondaǵy negizgi maqsat- oqýshylarǵa mamandyqtaryn durys tańdaýǵa baǵyt berý. Sanaly túrde tańdalǵan mamandyq jeke tulǵanyń bolashaq ómir ekendigin túsindirý. Mamandyq álemi jáne olardyń erekshelikteri týraly túsinikterin keńeıtý. Oqýshylardyń mamandyqtarǵa degen qyzyǵýshylyqtary men beıimdilikterin anyqtaý. Mamandyq tańdaý máselesin, jalpy ózindik tańdaý jasaýǵa daıyndyqty kúsheıtý bolatyn.
Mektep oqýshylary «Álem» BT, «Nazar» tekstıl, «SAGITEX» kópsalaly tigin fabrıkalarynda boldy. Ekskýrsııa kezinde kásiporyndardyń jumys barysymen, ondaǵy mamandarmen jaqynyraq tanysyp qaıtty.
Aldaǵy ýaqyttarda da jastar ortalyǵy joba aıasynda oqýshylarmen mamandyq tańdaýda baǵyt-baǵdar berýdi jalǵastyra bermek. Óıtkeni, bolashaqtaǵy kásibı maqsatyna durys baǵyt alǵan oqýshy boıyndaǵy qarym qabiletin shyǵarmashylyqpen damyta bilse sapaly maman retinde qalyptasatyny belgili.
