Prezident: Bızdıŋ syrtqy saiasatymyz būrynǧydai teŋgerımdı, köpbaǧytty jäne konstruktivtı bolady

«Osyndai asa kürdelı geosaiasi jaǧdaida Qazaqstannyŋ syrtqy saiasaty memlekettıgımızdı odan ärı nyǧaitu üşın qolaily jaǧdai jasauǧa baǧyttalǧan. Bızdıŋ halyqaralyq arenadaǧy qyzmetımızdıŋ basty maqsaty – Qazaqstannyŋ jäne halqymyzdyŋ müddesı. Halyqaralyq qūqyq pen BŪŪ Jarǧysynyŋ üstemdıgı üşın küresemız. Bız halyqaralyq qatynastarda ädılettılık, ışkı ısterge aralaspau, memlekettıŋ egemendıgı men territoriialyq tūtastyǧyn qūrmetteu qaǧidattaryn nyǧaitudy asa maŋyzdy dep sanaimyz. Bızdıŋ syrtqy saiasatymyz būrynǧydai teŋgerımdı, köpbaǧytty jäne konstruktivtı bolady. Qazaqstan Reseimen odaqtastyq qarym-qatynasty, Qytaimen mäŋgılık strategiialyq serıktestıktı, AQŞ-pen strategiialyq serıktestıktı, Özbekstan, Qyrǧyzstan, Türıkmenstan, Täjıkstan sekıldı bauyrlas Ortalyq Aziia memleketterımen jäne Türkiiamen jan-jaqty yntymaqtastyqty, sondai-aq Aziiada, Taiau Şyǧys nemese Europa qūrlyǧynda bolsyn, älemnıŋ barlyq müddelı memleketterımen özara tiımdı bailanystardy odan ärı damytuǧa bar küş-jıgerın jūmsaidy. Mūndai syrtqy saiasat halqymyzdyŋ müddesıne sai keletınıne senımdımın».