Şymkentte 6 emhana, 1 perzenthana salynbaq

«Abai audanyna qarasty 34 eldı mekennıŋ 33-ı sapaly auyzsumen qamtylǧan. Al, elektr jaryǧy 31 eldı mekende tolyq jürgızılgen. Jyl soŋyna deiın Abai audanyna qarasty eldı mekenderdı 100 paiyz auyz sumen jäne elektr jaryǧymen qamtu közdelıp otyr». Būl turaly bügın Şymkent qalasy mäslihatynyŋ kezektı jiyrma bırınşı sessiiasynda Abai audanynyŋ äkımı B.Parmanov mälımdedı. Sessiiada Şymkent qalasy mäslihatynyŋ deputattary kün tärtıbındegı 22 mäselenı qarap, tiıstı şeşımderdı qabyldady. Şymkent qalasy äkımınıŋ orynbasary M.İsahov qatysqan jiynǧa Şymkent qalalyq mäslihatynyŋ hatşysy B.Narymbetov töraǧalyq ettı. Sessiia barysynda «2022-2024 jyldarǧa arnalǧan Şymkent qalasynyŋ biudjetı turaly» Şymkent qalasy mäslihatynyŋ şeşımıne bırqatar özgerıster engızıldı. Sonymen qatar, qalaǧa qarasty Abai, Äl-Farabi, Eŋbekşı, Qaratau audany äkımderınıŋ esebı tyŋdaldy. Al, Şymkent qalalyq densaulyq saqtau basqarmasynyŋ basşysy N.Asylbekov salany damytu josparymen tanystyrdy. — Şymkent qalasy boiynşa 13 memlekettık emhana 600 myŋnan astam tūrǧynǧa qyzmet körsetse, 31 jekemenşık emhanada 507 myŋ tırkelgen. Alaida, 2025 jylǧa deiın qalaǧa 6 emhana kerek dep qarastyrylyp otyr. Būl emhanalardyŋ qūrylysyna investisiia tartu jūmystary jürgızılude. Sonymen qatar, respublikalyq biudjet esebınen 2025 jylǧa deiın 200 tösek-oryndy perzenthana salu mäselesı de qaralyp jatyr, - dep atap öttı qalanyŋ bas därıgerı. Sessiiada, sondai-aq, «Şymkent qalasy boiynşa jerleudıŋ jäne zirattardy kütıp ūstau ısın ūiymdastyrudyŋ qaǧidalaryn bekıtu turaly», «Şymkent qalasynda januarlardy aulaudyŋ, uaqytşa ūstaudyŋ jäne jansyzdandyrudyŋ qaǧidalaryn bekıtu turaly», «Şymkent qalasynyŋ aumaǧynda januarlardy asyrau qaǧidasyn bekıtu turaly» şeşımderge özgerıster engızıldı. Aita keteiık, būl joly sessiiaǧa qatysqan 29 deputattyŋ 3-uı onlain qatysu mümkındıgıne ie boldy. Aldaǧy sessiialarda 5 deputatqa deiın qaşyqtan qatysuǧa rūqsat berılmek.