Atyraudaǧy №25 mekteptıŋ 4- synyp oquşylary sabaqqa barudan bas tartty. Aitularynşa, olardy joǧary synyptaǧylar qorqytyp, aqşa jinaǧan. Sondai-aq, tüsınıksız qūrǧaq ūntaqty jeuge mäjbürlegen körınedı. Ata-analar balalar belgısız zattan ulanyp, auyrǧan soŋ ǧana bıldık būl jaǧdaidy dep dabyl qaǧady. Al mektep basşylyǧy özderıne şaŋ juytpai otyr. Būl turaly Astana.tv habarlady, dep jazady "Adyrna" ūlttyq portaly.
Äigerım Botaǧarieva 4 synyp oqityn ūlynyŋ soŋǧy kezde türlı syltaumen jiı aqşa sūrai bastaǧanyna küdıktengen. Aldymen 500, keiın 1000, sosyn ekı myŋ teŋge sūrap alǧan. Taǧy bırde äkesınıŋ ämiianynan rūqsatsyz aqşa alynǧanyn baiqapty. Al ekı kün būryn ūly sabaqtan kelısımen basynyŋ ainalǧanyn aityp, esınen tanyp qūlai jazdaidy. Sol sätte kelınşek balasyna kelgen habarlamany oqyp, şalqasynan tüskenın aitady.
«Berdıqoja, erteŋ 4 myŋ alyp kel, aǧalar keledı, odnarazka alyp keledı. Erteŋ bızdı öltıredı ǧoi. Men sondai sondailardy körgende, şoşimyn da. Ol mektepke aparmaŋyzdarşy ötınemın. Men barsam, menı öltıredı deidı. Sebebı bır balanyŋ qaltasynan pyşaq kördım bızdı qorqytty», - deidı ata-ana Äigerım Botaǧarieva.Äigerım osydan keiın özge balalardyŋ ata-anasymen söilesken. Balalar 9-synypta oqityn aǧalaryna aqşa berıp otyrǧanyn aitqan. Tıptı soŋǧy kezde şöp arasyna qaldyrǧan qūrǧaq susyndy jeudı talap etıp, alystan baqylap jürgen körınedı.
«Üşeumız tualetten şyǧyp kele jatqanda qaǧyp ketıp edık dedı baiqamai. Sodan basymyzdan salyp qaldy,- deidı. Basymyzdan salyp qalyp, «erteŋnen bastap aqşa alyp kelesıŋder 2 myŋ»,- dep aitty deidı. Kelesı künı taba almai kelgen üşın bala menıŋ balamdy ūstap alyp, mekteptıŋ artyna baryp soqty deidı menı. İterıp qalyp ekı teptı ışımnen, sosyn aiaǧymnan teptı dep tūr. Sodan bastap aqşa jinau bastaldy. Ekı myŋ, artynan 3 myŋ berdım, artynan 4 myŋ berdım deidı. Bala bıraq qorqyp, älı dūrys aita almai otyr», - dedı ata-ana Daniiar Qaǧazov. «Aralady da, iupidıŋ qaǧazyn alyp şyqty. Alyp şyqty bız salyp aldyq. Işınde kışkentai ügındı. Iýpidı aralastyrǧan, arasynda böten närse bar ekenı belgılı bolyp tūr. Bız pakettı alyp, auzymyzǧa salmaiynşa deidı velosiped tūratyn jerde 3 bala qarap tūrady deidı. Bız auzymyzǧa salǧannan keiın ana balalar ketıp qalady», - dedı ata-ana Ǧaliia Moinaqova.Ata-analar būl turaly mektep basşylyǧyna habarlaǧan. Balalardyŋ aituymen, 9-synyp oquşylary men olardyŋ ata-analaryn şaqyryp söilesıptı. Bıraq eşqaisysy moiyndamai qoiǧan. Mektep direktory da būl ıske joǧary synyptyŋ oquşylarynyŋ qatysy boluy mümkın emes dep azar da bezer bolady.
«Balalardy şaqyrttyq, ata-analardy şaqyrttyq, bıraq balalar jylap tūr. Bız eşqandai aqşa jinaǧanymyz joq dep. Syrt adam bolyp tūr ǧoi. Mekteptıŋ ışınde dep oilamaimyn. Mekteptıŋ ışınde emes, syrttaǧy närse», - deidı B.Momyşūly atyndaǧy №25 orta mektep direktorynyŋ mındetın atqaruşy Baqtyly Nūrjanova.Ata-analar mäselenıŋ män-jaiyn beinekamera arqyly da anyqtamaq bolǧan. Alaida mekteptıŋ syrtyndaǧy beinekamerada 2-qyrküiekten bastap eşteŋe tüsırılmegen. Al dälızdegı kameralar tömen qarap tūrǧandyqtan, eşteŋe köre almadyq,- deidı. Endı mekteptegı jaǧdaidy polisiia anyqtauǧa kırıstı.
«Tekseru jūmystaryn jürgızemız. Eger qylmys qūramy bolsa, qylmys bolady. Äkımşılık bolsa, äkımşılık bolady. Qosymşa jetkızemız tekserıp, anyqtap», - dedı Atyrau oblysy PD jergılıktı polisiia qyzmetı basqarmasynyŋ bastyǧy Erlan Biǧambaev.Bılım bölımınıŋ aqparatynşa, mektepke barudan bas tartqan 4-synyp oquşylaryna psihologiialyq kömek körsetıledı. Al bılım oşaǧynda älımjettıktıŋ bar ekenı ras pa, joq pa, ony polisiia anyqtaidy.
"Adyrna" ūlttyq portaly
