1 qazan - Halyqaralyq qarttar künı. Mereke qarsaŋynda Şymkent qalasynyŋ äkımı M. Äitenov elımız ben şahardyŋ damuy jolynda eleulı üles qosqan bırneşe ardagerdıŋ üiıne baryp, arnaiy qūttyqtady. Olarǧa qūrmet körsetıp, estelık syilyqtar tartu ettı.
Qala basşysy alǧaşqy qūttyqtauyn eŋbek ardagerı Ahmetova Raisa Raiymbekqyzynyŋ şaŋyraǧynan bastady. Ardager ūstazben äŋgımelesken Mūrat Äitenov mereke iesıne ūzaq ǧūmyr, myqty densaulyq tıledı.
Ahmetova Raisa Raiymbekqyzy Şymkent qalalyq komsomol komitetınıŋ hatşysynan Oŋtüstık Qazaqstan oblysy halyq aǧartu bölımınıŋ meŋgeruşısı qyzmetıne deiın atqarǧan. Ūzaq jyldar halyq deputattary qalalyq Keŋesınıŋ deputaty bolyp sailandy. «Qūrmet belgısı» ordenı men «QazSSR bılım beru ısınıŋ üzdıgı» ataǧynyŋ iegerı.
Qūttyqtau legı «Qūrmet Belgısı», «Eŋbek Qyzyl Tu» ordenderınıŋ iegerı Gulujigan Baigarinanyŋ otbasynda jalǧasty. Eŋbek ardagerın mereilı merekemen qūttyqtaǧan qala basşysy Gulujigan Abdulajanqyzyna da zor densaulyq, ūzaq ömır, otbasyna baq pen bereke tılep, üidıŋ otaǧasy - Şämıl ataǧa şapan japty.
Baigarina Gulujigan Abdulajanovna 1937 jyly köp balaly otbasynda düniege kelgen. Eŋbek jolyn tıgın mamanynan bastap, 1975-1987 j.j. «Voshod» tıgın bırlestıgınıŋ bas injenerı keiın bas direktory bolady. Al 1991 jyly «Voshod» AAQ ŞF Prezidentı bolyp taǧaiyndalyp, osy salanyŋ damuyna zor üles qosady. Ūzaq jylǧy eŋbegı aqtalyp, oǧan Qazaqstannyŋ jeŋıl önerkäsıbın damytqany üşın «Qazaqstan önerkäsıbınıŋ eŋbek sıŋırgen qairatkerı» qūrmettı ataǧy berıledı.
Öz kezegınde ardagerler de qūrmet körsetıp, kışılık ızetın jasaǧan şahar basşysyna alǧysyn jaudyryp, qazaqstandyqtar üşın beibıt te berekelı ömır tıledı.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz