Şymkentte zeinetkerlerdı saqtandyru ortalyǧynyŋ bölımşesı aşyldy

Şymkentte zeinetkerlerdı sauyqtyruǧa arnalǧan «Belsendı ūzaq ömır» ortalyǧynyŋ taǧy bır bölımşesı aşyldy. “Halyqaralyq qarttar künıne” orai aşylǧan nysannyŋ resmi saltanatyna şahar basşysy M.Äitenov qatysyp, ardagerlerdı merekemen qūttyqtady. Qala äkımı qūttyqtau sözınde jyly lebızımen qatar, qarttarǧa memleket tarapynan körsetıletın qamqorlyq pen kömektıŋ kölemı jyl saiyn artyp otyrǧanyn jäne būl baǧyttaǧy jūmystar Prezident saiasatyndaǧy basym röl atqaratyn baǧyttarynyŋ bırı ekenın jetkızdı. Jaŋadan aşylǧan bölımşe Qaratau audany, Jıbek joly köşesı, 22/1 uchaskesınde ornalasqan. Jartylai stasionarlyq jaǧdaida ekı auysym boiynşa 140 azamatqa deiın qyzmet körsetıledı. Ardagerler mūnda därıgerlık tekseruden ötıp qana qoimai, ART terapiia, äsemdık jasaru terapiiasy, karaoke zal (än aitu), horeografiia, ioga, eŋbek terapiiasy, inemen emdeu terapiiasy, emdık deneşynyqtyru siiaqty sauyqtyru şaralarynan ötedı. Sonymen qosa bos uaqytty ūiymdastyruǧa arnalǧan biliard,tennis, sadaq atu, bassein, massaj, trenajerlyq qyzmet türlerı de qarastyrylǧan. Jalǧyzılıktı jandarǧa arnalǧan 8 saǧattyq jartylai stansionar da jūmys ısteidı. “Belsendı ūzaq ömır”ortalyǧynyŋ bölımşelerı qaladaǧy 4 audannyŋ üşeuınde Äl-Farabi, Eŋbekşı jäne Qaratau audandarynda aşylǧan. Abai audany boiynşa taǧy bır bölımşenıŋ lentasy kelesı jyly qiylatyn bolady.