Jaqynda Almatydaǧy Ortalyq kıtaphanada Almaty qalasy Işkı saiasat basqarmasynyŋ qoldauymen «Adyrna» ūlttyq-etnografiialyq bırlestıgınıŋ "Azamattyq boryş" jobasynyŋ aiasynda Auǧan soǧysy ardagerlerı qatysqan döŋgelek üstel öttı.
Būl jiynǧa jastar men qoǧam qairatkerlerı jäne kıtaphana qyzmetkerlerı qatysty. Ardagerler öz kezegınde Auǧan soǧysynyŋ sebepterı men özderınıŋ basynan keşken oqiǧalardy baiandap berdı.
Bır ardager ūşqyş bolsa, ekınşısı äskerge qaru-jaraq pen därı-därmek jetkızuge mındettı maşina jürgızuşı, endı bırı medisina qyzmetkerı, mina zalalsyzdandyratyn saperler, bärı de öz estelıkterımen bölıstı.
Jinalǧan jūrtşylyqtyŋ köz aldynda şynaiy oqiǧalar bırınen soŋ bırı zuyldap ūşqan oqtardai tez ötıp jatty. Kezdesuge kelgen ardagerlerdıŋ bärı de ömır men ölımnıŋ arasynda ot keşken azamattar edı. Ärı özderı közımen körıp, jüregımen sezıngen jaǧdailary aitu olarǧa da oŋai soqpady. Soǧys bolǧan soŋ qūrbandyqsyz bolmaityny taǧy da belgılı. Äsırese ardagerlerdıŋ aituǧa qinalǧan kezderı qarulas dostanynyŋ qaza tapqanyn aitu edı.
Jergılıktı halyqtyŋ tūrmys tırşılıgı dep nazardan tys qalǧan joq. Auǧanstan damu jaǧynan Qazaqstan älde qaida keşeuıldep kele jatqan el. Ärı dıni aǧymdar da öz degenın ıstep jatty.
Ardagerlerdıŋ bärı de bır auyzdan jastarǧa aitqany, kümändı dıni aǧymdarǧa erıp ketpeŋder, dedı. Jiynǧa jinalǧan jastar ardager aǧalarynyŋ naqylyn tüsınıstıkpen tyŋdady.
Döŋgelek üstelge qatysuşy auǧan soǧysy ardagerlerı älemdegı terrorizmnıŋ sebepterın jan jaqty aşyp,naqtylap tüsındırıp berdı. Jastarǧa abai bolu kerektıgın tüsındırdı.
Jiyn soŋynda «Adyrna» ūlttyq etnografiialyq bırlestıgınıŋ basşysy Arman Äubäkır söz alyp jastarmen kezdesuge kelgen ardagerlerge alǧysyn jetkızıp, syi-siiapatyn ūsyndy. Är adagerge jastardy tärbieleuge arnalǧan jiyndarǧa belsene qatysqany üşın marapat qaǧazdary tapsyryldy.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz