QR Prezidentı Qasym-Jomart Toqaev Qazaqstanǧa memlekettık saparmen alǧaş ret kelgen Türıkmenstan prezidentı Serdar Berdımūhamedovtı qarsy aldy, dep habarlaidy "Adyrna" ūlttyq portaly.
Kezdesu aldynda Türıkmenstan prezidentın Aqorda rezidensiiasynda saltanatty qarsy alu räsımı öttı. Qūrmet Qarauylynyŋ bastyǧy ekı el basşysyna raport berıp, Qazaqstan men Türıkmenstannyŋ memlekettık änūrandary oryndaldy. Qasym-Jomart Toqaev pen Serdar Berdımūhamedov bır-bırıne resmi delegasiialardyŋ qūramyn tanystyrdy. Būdan soŋ ekı el basşylary Şyǧys zalynda şaǧyn qūramda kezdestı, delıngen Aqorda habarlamasynda.
"Türıkmenstan – Qazaqstan üşın bauyrlas memleket. Bızdıŋ tarihymyz ben şekaramyz ortaq. Bızdı mädeni-gumanitarlyq salalar jäne ekonomikalyq müdde sekıldı köp baǧyttar bailanystyrady", - dedı Qasym-Jomart Toqaev.Kelıssöz barysynda Qasym-Jomart Toqaev pen Serdar Berdımūhamedov Qazaqstan men Türıkmenstan arasyndaǧy yntymaqtastyqty damytu mümkındıkterın talqylady. Sauda-ekonomikalyq qarym-qatynastardy keŋeituge, äsırese, energetika, kölık jäne logistika, önerkäsıp, auyl şaruaşylyǧy salalaryna erekşe nazar audaryldy.
Ūqsas jaŋalyqtar
