Belgili qazaqstandyq ánshi Dımash Qudaıbergen men onyń jankúıerlerine arnalǵan La Era Dimash radıostanııasy Antarktıdada habar tarata bastady. Bul týraly «Esperanza» ǵylymı-zertteý stanııasynyń qyzmetkerleri habarlady, dep jazady "Adyrna" ulttyq portaly.
La Era Dimash radıostanııasynyń negizin qalaýshylar Argentınada óz radıosyn endi ǵana iske qosqan kezde qazaqstandyq ártistiń daýysy jer sharynyń ár túkpirinde estilýin qalady.
«Radıostanııa alǵash ret efırge shyqqanda biz ózimizdi óte baqytty sezindik. Kún saıyn La Era Dimash radıosyn tyńdaıtyn elderdiń tizimi kóbeıýde. Olardyń arasynda buryn estimegenderi de bar. Endi eki jyldan keıin bizdiń radıo 96 elde habar taratady», – dedi radıostanııanyń basshysy Paola Profeta.
2022 jyldyń 11 qazanynda «Esperanza» zertteý stanııasynan habar taratatyn LRA36 radıosynyń qyzmetkerleri (shamamen Antarktıka túbeginiń qıyr soltústiginde ornalasqan argentınalyq zertteý stanııasy) La Era Dimash-qa qyzyqty suhbat berdi.
Áńgime barysynda Klaýdııa Albarrasın, Marııa Evgenııa Rodrıges, Romına Zabalza jáne Marıela Chýrkına alys jáne sýyq kontınenttegi ózderiniń qıyn, biraq óte qyzyqty jumystary týraly aıtyp, La Era Dimash habar taratýy Antarktıdaǵa jetkenin jáne qyzdar qazaqstandyq ártistiń ánderin tyńdaýǵa múmkindik alǵanyn rastady.
«Dımashtyń daýysyn alǵash estigende, biz shynymen tańǵaldyq. Onyń ádemi ánderi bar, óte úlken talant!», – dep bólisti olar.
"Adyrna" ulttyq portaly
