16 jastaǧy irandyq oquşy Asra Panahi ükımettı maqtap, än aitudan bas tartqany üşın öz mektebınde qauıpsızdık küşterınıŋ soqqysynan qaza tapty. Būl turaly "Mediazona" basylymy habarlady, dep jazady "Adyrna" ūlttyq portaly.
Qaiǧyly jaǧdai qazannyŋ 13-ı künı bolǧan.
«Iran International» basylymynyŋ habarlauynşa, sol künı polisiia jasaqtary narazylyq tanytqan İrannyŋ Ardebil qalasyndaǧy qyzdar mektepterınıŋ bırıne kelıp, oquşylardyŋ ükımettı jaqtaityn şeruıne qatysuyn talap etken. Mitingke qatysuşylar İrannyŋ eŋ joǧary kösemı Aiatolla Äli Hameneidı madaqtaityn ügıt-nasihat änın aituy kerek edı.Oquşylar baǧynudan bas tartqannan keiın poliseiler qyzdardy aiausyz ūra bastaǧan. Soqqy saldarynan 10 oquşy qyz auruhanaǧa tüsken. Keiın olardyŋ bırı Asra Panahi qaitys boldy. Sonymen qatar soqqydan keiın poliseiler bırneşe qyzdy tūtqyndap, belgısız baǧytqa alyp ketken. Mektep oquşysy öltırılgennen keiın Ardebilde narazylyqtar qaitadan küşeie bastady. 16 qazanda Twitter-de jariialanǧan beinejazbada narazylyq bıldıruşılerdıŋ polisiia qyzmetkerlerıne tas laqtyryp, kölık döŋgelekterın örtep jatqandaryn köruge bolady. Olar: «Polkovnik! Bügın menıŋ qyzym, al erteŋ senıkı!», - dep öz narazylyqtaryn bıldırude.
"Adyrna" ūlttyq portaly
