"Qazaqşa söileu - ūltşyldyqtyŋ körınısı, mädeniettıŋ belgısı emes" dep qazaqtardyŋ namysyna tiıp, aşulandyrǧan Chocolife kompaniiasynyŋ direktory Ramil Muhoriapov qazaqstandyqtardan keşırım sūrady, dep habarlaidy "Adyrna" ūlttyq portaly.
“Sälem dostar, sızder keşegı videonyŋ tek bır bölıgın kördıŋızder. Eŋ aldymen barlyǧyŋyzdan keşırım sūraǧym keledı. Eşkımdı renjıteiın degen nietım bolǧan joq. Dūrys aitasyzdar, qazırgı sızderdı öte mūqiiat tyŋdauym kerek. Men eŋ aldymen keşegı video namysyna tigen jandardan keşırım sūraǧym keledı. Ol videony qaita qarap şyqtym. Şynymen, asyǧys qatty aityppyn. Men - Qazaqstan azamatymyn. Özım Almatyda tuyp-östım. Bız būl jerde kompaniia qūryp jatyrmyz, qyzmetkerlerımızdıŋ 99 paiyzy qazaqstandyqtar. Bız mūnda salyq tölep otyrmyz. Men qazaq tılın damytudyŋ maŋyzdylyǧyn öte jaqsy tüsınemın. Kompaniianyŋ ışınde barlyq önımderdı qazaq tılınde qoldau tetıkterı ıske qosyldy. Qazır qosymşanyŋ jartysy qazaq tılıne audarylyp, jartysy audarylu üstınde. Jaqyn arada būl jūmystardy aiaqtaimyz. Özıme keletın bolsam, men qazaq tılın azdap tüsınemın, bıraq jaqsy söilei almaimyn. Bıraq aldaǧy uaqytta üirenuge tyrysamyn. Dostar, taǧy da keşırım sūraimyn”, – deidı ol.
