Májilis depýtaty Edil Jańbyrshın Chocofamily Holding basshysy Ramıl Mýhorıapovtyń ústinen qylmystyq is qozǵaýdy talap etti. Bul týraly ol Facebook paraqshasynda jazdy, dep habarlaıdy “Adyrna” ulttyq portaly.
"Mýhorıapov degen bireý memlekettik tilde, ıaǵnı qazaq tilinde jaýap berýdi mádenıetsizdikke jatqyzypty. Bul – Qazaqstan Respýblıkasynyń Konstıtýııasyn moıyndamaý jáne qazaq halqynyń ar-namysyna tııý! Sondyqtan el arasynda alaýyzdyq týǵyzyp, qazaqtardyń ar-namysyn taptaǵany úshin Bas Prokýratýra onyń ústinen qylmystyq is qozǵaýy kerek! Májilis depýtaty retinde osyny talap etemin. Shydamnyńda shegi bar, endi tek bulardyń basymyzǵa otyrýy qaldy!", - dep jazdy ol.
Eske salaıyq, áleýmettik jelide Chocolife kompanııasynyń dırektory Ramıl Mýhorıapovtyń reseıliktermen kezdesýde aıtqan sózi qyzý talqyǵa tústi. Kezdesý barysynda kompanııa basshysy sheteldikterge qazaq tilinde jaýap berý “mádenıettiń kórinisi emes” ekenin aıtqan bolatyn. Keıin basy daýǵa qalǵan kásipker qazaqstandyqtardan keshirim surady.
