BQO-do ornalasqan «Kýbleı» konservi zaýyty Qazaqstandaǵy eń iri óndiris oryndary sapynda. Zaýytta úsh aýysymda 700-den astam adam eńbek etedi. «Kýbleı» táýligine 600 myń banka ónim shyǵarady eken. Bul Qazaqstan naryǵyndaǵy konservilerdiń 65 paıyzymen teń. Iaǵnı, atalǵan óndiris turalasa halyqtyń basym bóligine qıyn bolǵaly tur. Óıtkeni, zaýyttan kúndelikti shyǵatyn 600 myń bankanyń orny oısyrap qalady. Osy máseleni kótergen «Kýbleı» JShS ókilderi dabyl qaǵyp, Almatydaǵy Qazaqstan baspasóz klýbynda BAQ ókilderine jıyn ótkizdi.
Daýdyń basy Oral qalasynda ornalasqan «Kýbleı» JShS qarasty zaýyt janynan bir jergilikti kásipker jer satyp alǵanynan bastalǵan. Alǵashynda óndiristik baǵytqa arnalǵan jer áp sátte turǵyn úı qurylysyna aınalyp shyǵa kelgen. Jer satyp alǵan kásipker zaýyt shekarasynan nábári 50 metr jerden kópqabatty turǵyn úı qurylysyn bastap jibergen. Erteń munyń sońy úlken daýǵa, tipti, zaýyttyń toqtap qalýyna aparatynyn baǵamdaǵan «Kýbleı» basshylyǵy «máseleniń aldyn alsaq» dep otyr.
«Quqyq qorǵaý oryndary jumys istemeı otyr. Bizde rekreaııalyq, óndiristik aımaqtyń deni turǵyn úıge berilip ketken. Oral qalasyndaǵy ekologtar, aktıvıster shyryldap jatsa da ony eshkimniń estigisi kelmeıdi. Bul máselege eń birinshi QR Prezıdenti, Úkimet basshysy qulaq aspasa qıyn bolǵaly tur», – dedi jer quqyqtary boıynsha bilikti zańger Baqytjan Bazarbek.
Zaýyt ókilderi óndiris turalasa, jabylsa qanshama adam jumyssyz qalatynyn aıtyp otyr.
«Búkil Qazaqstan «Kýbleıdiń» konservisin jeıdi. Árıne jaǵdaıy bar, baı adamdar konservi tutynbaıdy. «Kýbleıdiń» negizgi tutynýshysy jaǵdaıy tómen jáne ortasha otbasylar. Zaýyt aýylsharýashylyǵy salasynyń damýyna da úles qosyp otyr. 3000 myń fermermen jumys isteıdi, solardan et alady. Ár fermada 5 adamnan jumys isteıdi desek, zaýyt turalasa 15 myń, zaýytta isteıtin 700, jalpy, 15 700 adam jumyssyz qalady. Muny oılap otyrǵan kim bar? 15 700 adamnyń artynda bir-bir otbasy tur olardy kim asyraıdy? Kim jumys taýyp beredi. «Kýbleı» naryqtan ketse ol shyǵarǵan ónimniń ornyn kim toltyrady. Erteń baǵa sharyqtap ketpeıtinine kim kepil?!», – dedi tutynýshylar koalıııasynyń ókili Murat Ábenov.
Spıkerler Qalanyń bas jospary boıynsha jumys júrgizilse, másele ońtaıly sheshiletinin aıtady. Qandaı bolǵan jaǵdaıda da zaýyt janynan turǵyn úı salý, ol júrde turý aqylǵa qonymsyz ispetti. Bir jaǵy ózi az óndiris oryndarynyń jabylýyna bılik te, halyq ta jol bere qoımas.
