Ridder qalasynyŋ tūrǧyndary üilerınde jylu joqtyǧyna şaǧymdandy. JEO basşylyǧy su aralasqan mazuttyŋ sapasyn baqylamaǧan bolyp şyqty. Būl turaly Zakon.kz habarlady, dep jazady "Adyrna" ūlttyq portaly.
Ridderde jylumen qamsyzdandyru qyzmetı keşke deiın qalypqa keltırıledı. Mazuttyŋ sapasyna bailanysty ştattan tys jaǧdai oryn aldy. Tehnikalyq sebepterge bailanysty JEO jūmysy toqtatyldy. Bıraq tūrǧyndarǧa alaŋdauǧa negız joq, jylumen qamsyzdandyru jūmysy keşke qalypqa keltırıledı.
JEO basşylyǧy su aralasqan mazuttyŋ sapasyn baqylamai, salǧyrttyq tanytqan.
Öŋır prokuraturasy "Ridder JEO" AQ basşylyǧy tarapynan jıberılgen nemqūrailylyq faktısı boiynşa tergeu amaldaryn qolǧa aldy. Jedel ştab qūryldy, jaǧdai öŋır basşysynyŋ jeke baqylauyna alyndy. Qazır qalada oblys äkımınıŋ orynbasary jür. Halyq arasynda dürbeleŋnıŋ oryn aluyna negız joq. Saǧat 22:00-ge deiın jylumen jabdyqtau jüiesı normativtık rejimge ötedı.
Qazır jylu beru stansiiasyna "Qazsink" JŞS-dan 60 tonna mazut jäne JEO ÖB-dan 70 tonna mazut jıberıldı. 25 qazanda tüngı bırlerde taǧy alty sisterna kelıp jetedı. Mūnyŋ bärı stansiiany 100 kündık üzdıksız jūmys ısteuı üşın otynmen qamtamasyz etuge mümkındık beredı, iaǧni qalany jylumen jabdyqtau eŋ qysqa merzımde qalpyna keltırıledı.ŞQO äkımdıgınıŋ baspasöz qyzmetıÖŋır basşysy Danial Ahmetov atap ötkendei, osy uaqytta JEO ÖB-dan Ridderdegı JEO-ǧa 20 tonna mazut tiegen alǧaşqy kölık attanyp kettı, bır saǧat barysynda jol polisiiasynyŋ alyp jüruımen taǧy 50 tonna jöneltıledı, sondai-aq "Qazsink" JŞS-da mazut jetkızedı. Stansiianyŋ ekınşı qazandyǧy qatty otynmen jūmys ısteidı, bırınşı jäne üşınşısın ıske qosu jūmystary jürgızılıp jatyr, al saǧat 22:00-ge deiın Ridder JEO temperaturalyq rejimge säikes tūrǧyn üiler men äleumettık nysandardy jylumen qamtamasyz etedı.
"Adyrna" ūlttyq portaly
