Rıdderde jylýmen qamsyzdandyrý qyzmeti keshke deıin qalypqa keltiriledi. Mazýttyń sapasyna baılanysty shtattan tys jaǵdaı oryn aldy. Tehnıkalyq sebepterge baılanysty JEO jumysy toqtatyldy. Biraq turǵyndarǵa alańdaýǵa negiz joq, jylýmen qamsyzdandyrý jumysy keshke qalypqa keltiriledi.
JEO basshylyǵy sý aralasqan mazýttyń sapasyn baqylamaı, salǵyrttyq tanytqan.
Qazir jylý berý stanııasyna "Qazınk" JShS-dan 60 tonna mazýt jáne JEO ÓB-dan 70 tonna mazýt jiberildi. 25 qazanda túngi birlerde taǵy alty ısterna kelip jetedi. Munyń bári stanııany 100 kúndik úzdiksiz jumys isteýi úshin otynmen qamtamasyz etýge múmkindik beredi, ıaǵnı qalany jylýmen jabdyqtaý eń qysqa merzimde qalpyna keltiriledi.ShQO ákimdiginiń baspasóz qyzmeti
Óńir basshysy Danıal Ahmetov atap ótkendeı, osy ýaqytta JEO ÓB-dan Rıdderdegi JEO-ǵa 20 tonna mazýt tıegen alǵashqy kólik attanyp ketti, bir saǵat barysynda jol polıııasynyń alyp júrýimen taǵy 50 tonna jóneltiledi, sondaı-aq "Qazınk" JShS-da mazýt jetkizedi.
Stanııanyń ekinshi qazandyǵy qatty otynmen jumys isteıdi, birinshi jáne úshinshisin iske qosý jumystary júrgizilip jatyr, al saǵat 22:00-ge deıin Rıdder JEO temperatýralyq rejımge sáıkes turǵyn úıler men áleýmettik nysandardy jylýmen qamtamasyz etedi.
Óńir prokýratýrasy "Rıdder JEO" AQ basshylyǵy tarapynan jiberilgen nemquraılylyq faktisi boıynsha tergeý amaldaryn qolǵa aldy. Jedel shtab quryldy, jaǵdaı óńir basshysynyń jeke baqylaýyna alyndy. Qazir qalada oblys ákiminiń orynbasary júr. Halyq arasynda dúrbeleńniń oryn alýyna negiz joq. Saǵat 22:00-ge deıin jylýmen jabdyqtaý júıesi normatıvtik rejımge ótedi.
"Adyrna" ulttyq portaly
