Qyzylorda oblysyndaǵy Jańaqorǵan aýylynda attrakıon kabınasy salbyrap, synyp ketti.Oqıǵa ornynda túsirilgen vıdeony jýrnalıst Gúlmıra Ábiqaı Facebook paraqshasynda jarııalady, dep habarlaıdy “Adyrna” ulttyq portaly.
Qýanyshqa oraı, oqıǵa kezinde attrakıonda adam bolmaǵan.
Jazba avtory bul atrakıon aýylda jýyrda ornatylǵanyn atap ótedi. Oqıǵaǵa deıin jergilikti turǵyndar oǵan otyryp úlgergen eken.
“Oqıǵaǵa deıin qyzym atrakıonǵa otyrǵan. Bılik nege halyqtyń qaýipsizdigin oılamaıdy?", – dep ashýlandy jergilikti turǵyndardyń biri.
Qyzylorda oblysy ákimdiginde jaǵdaıǵa qatysty pikir bildirdi.
"Vıdeo 15-17 qazan aralyǵynda attrakıondy tehnıkalyq tekserý kezinde túsirilgen. Vıdeodan kórip otyrǵandaryńyzdaı, attrakıonda adamdar bolmaǵan, zardap shekkender joq. TJD bul týraly shuǵyl habarlama alǵan joq, ol jerde eshqandaı problema bolǵan joq. Qazir atrakıon kún sýytqan soń jabyldy", – dedi vedomstvonyń baspasóz qyzmeti.
Belgili bolǵandaı demalys saıabaǵy jeke qarajatqa, meenat Marlen Ysqaqovtyń tikeleı demeýshiligimen salynǵan.
