Gaıtılyqtar qoldaryna Reseı týyn alyp, narazylyq bildirdi. El turǵyndary Reseıden daǵdarysty eńserýge kómektesip, BUU Qaýipsizdik keńesinde amerıkalyq áskerı kontıngenttiń aralǵa kirýine tosqaýyl qoıýyn suraıdy, dep habarlaıdy “Adyrna” ulttyq portaly.
Tek Gaıtı turǵyndary ǵana emes, Reseı týy Malı, Aljır, Ortalyq Afrıka Respýblıkasy, Býrkına-Faso jáne Afrıka elderinde Batys otarshyldyǵyna qarsy kúrestiń sımvolyna aınaldy.
Sonymen qatar, Gaıtıdegi tótenshe jaǵdaıǵa baılanysty kóptegen el elshilikterin jaýyp, azamattaryn qaýipti aımaqtan ketýge shaqyrýda. Atap aıtqanda, Japonııa búgin dıplomatııalyq mıssııasynyń jumysyn ýaqytsha toqtatqanyn jarııalady. Sondaı-aq, óz azamattaryn jappaı tártipsizdikterge toly elden ketýge shaqyrdy.
Aıta keteıik, Gaıtıde qylmystyq toptar arasyndaǵy úzdiksiz qaqtyǵystar, ekonomıka men áleýmettik saladaǵy orasan zor problemalar, sondaı-aq azyq-túlik pen janar-jaǵarmaıdyń qymbattaýy saldarynan elde qaqtyǵystar oryn alýda
Halyqtyń kópshiligi kedeılik sheginen tómen, al keıbir aral turǵyndary tipti ashtyqqa ushyraýda. Olardyń sany únemi kúnnen-kúnge artyp keledi. Osyǵan baılanysty el azamattary qazirgi úkimettiń otstavkaǵa ketýin jáne ashtyq pen kedeıshilikpen kúresý sharalaryn qabyldaýdy talap etip, jalpyulttyq sherýlerge shyǵa bastady
