Qazaqstandyq oquşylar olimpiadalarǧa qatysu tarihynda alǧaş ret aqşalai syiaqyǧa ie boldy, dep jazady "Adyrna" ūlttyq portaly.
Halyqaralyq pändık olimpiadalardyŋ 27 oquşysy 73 mln teŋgeden astam qarjy aldy. Būl Prezident Qasym-Jomart Toqaevtyŋ daryndy balalardy yntalandyru jönındegı tapsyrmasynyŋ arqasynda mümkın boldy. Sondai-aq 27 medal iegerı elımızdıŋ joǧary oqu oryndarynda tegın oquǧa mümkındık alady.
Oquşylar bılımderı arqasynda tapqan syiaqyny qalai jūmsaudy josparlap otyrǧandaryn aitty.
«Biyl osyndai bedeldı olimpiadaǧa alǧaş ret qatystym. Oǧan köp daiyndaldym. Ärine, Oqu-aǧartu ministrlıgınıŋ el ışınde ötkızgen olimpiadalarynyŋ arqasynda elımızdı älemdık arenada laiyqty körsetuge mümkındık aldym. Elımızdı abyroimen tanyta alǧanyma quanyştymyn. Geografiiadan qatysqan olimpiadada jeŋıske jetkenım üşın alǧan aqşamnyŋ bır bölıgın depozitke saludy josparlap otyrmyn. Qalǧanyn ata-anama beremın. Mūndai aqşalai marapattar bızge ülken ynta-jıger, motivasiia beredı, kelesı jyly bäseke būdan da joǧary bolatynyna senımdımın. Aldaǧy jyly osy olimpiadaǧa taǧy da qatysqym keledı», - dedı geografiiadan halyqaralyq olimpiadanyŋ (IGeO) altyn jüldegerı Sanjar Hamitov.Qalǧan jeŋımpazdar da alǧan jüldelerın depozitke salyp, ata-analaryna berdı. Sonymen qatar syilyqtar satyp aldy. Memleket basşysynyŋ tapsyrmasyn oryndau aiasynda Oqu-aǧartu ministrlıgı halyqaralyq pändık olimpiadalardyŋ jeŋımpazdaryna 1,5 mln-nan 4,5 mln teŋgege deiın syiaqy taǧaiyndaǧan bolatyn. Būǧan deiın Oqu-aǧartu ministrı Ashat Aimaǧambetov aitqandai, biyl tızımge 7 olimpiada kırse, kelesı jyly ol taǧy 7 olimpiadamen tolyǧady. 2022 jyly ūlttyq qūrama el qorjynyna 3 altyn, 15 kümıs jäne 9 qola medal äkeldı.
"Adyrna" ūlttyq portaly
