Qasym-Jomart Toqaev Ortalyq Aziia memleketterı basşylarynyŋ jäne Europalyq Keŋes Prezidentınıŋ kezdesuıne arnaiy kelgen Qyrǧyzstan Prezidentı Sadyr Japarovpen kezdestı. Būl turaly Aqordanyŋ baspasöz qyzmetı habarlady, dep jazady "Adyrna" ūlttyq portaly.
Qasym-Jomart Toqaev Sadyr Japarovqa ıltipat bıldırıp, Astanada ötetın maŋyzdy jiynǧa qatysu üşın arnaiy kelgenıne rizaşylyǧyn bıldırdı.
– Sızdıŋ būl saparyŋyz maŋyzdy. Elderımızdıŋ arasyndaǧy qarym-qatynastardy odan ärı ılgerıletu maqsatymen ekı jaqty kezdesu ötkızıp otyrmyz. Memleketterımızdıŋ arasynda eşqandai tüitkıl joq. Bırlesken küş-jıgerımızdıŋ arqasynda osy jetıstıkterımız eselenıp, ekıjaqty serıktestıgımız qarqyndy dami beredı dep senemın, – dedı Qasym-Jomart Toqaev.Sadyr Japarov bügıngı maŋyzdy kezdesuge şaqyrǧany üşın Qazaqstan Prezidentıne alǧys aitty.
– Ortalyq Aziia memleketterı basşylarynyŋ jäne Europalyq Keŋes Prezidentınıŋ bırınşı kezdesuıne qatysu üşın Astanaǧa kelgenıme quanyştymyn. Bız qyrǧyz-qazaq qarym-qatynasyn joǧary baǧalaimyz. Osy sättı paidalana otyryp, memleketterımızdıŋ arasyndaǧy diplomatiialyq qatynastardyŋ ornaǧanyna 30 jyl toluymen qūttyqtaimyn, – dedı Sadyr Japarov.Memleketter basşylary ekı el ükımetterınıŋ sauda salasynda bırlese atqaryp jatqan jūmystarynyŋ oŋ nätijelerın joǧary baǧalady. Ekı el arasyndaǧy tauar ainalymy byltyrǧy osy kezeŋmen salystyrǧanda 17,7 paiyzǧa ösken. Ekıjaqty sauda-sattyq kölemın 2 milliard dollarǧa deiın jetkızu maqsaty josparǧa säikes jürgızılıp jatyr. Sondai-aq taraptar qazaq-qyrǧyz qatynastarynyŋ kölık-logistikalyq, mädeni-gumanitarlyq aspektılerın talqylady.
