Ramzan Qadyrov óz telegram arnasynda soǵysqa attanǵan 23 sheshen áskerinen aırylyp qalǵanyn jetkizdi. Sonymen qatar, jasaqtaǵy 58 adam aýyr jaraqat aldy. Bul jaıly "Adyrna" ulttyq portaly "SMI2" portalyna silteme kórsete otyryp habarlaıdy.
Qadyrovtyń aıtýynsha, sheshenderdiń arnaıy jasaǵy aptanyń basynan beri artoatqylaýdan zardap shekken. Qazir qutqarý operaııalary aıaqtaldy. Jan tásilim etkenderdiń tizimi jasalyp, aqparat arnalarynda jarııalandy.
Sonymen qatar, Sheshen Respýblıkasynyń basshysy áskerde opat bolǵandardyń otbasy men týǵan-týystaryna kómek kórsetiletinin jetkizdi.
"Qaıtys bolǵandardy jerleýge 1 mıllıon rýbl beremiz. Olardyń otbasyna úkimet tarapynan 12 mıllıon rýbl beriledi. Jaraqat alǵandarǵa 3 mıllıon rýblden tıedi. Sonymen qatar, qaıǵydan qara jamylǵan otbasylardy qasıetti Mekkege jiberemiz", - dedi Qadyrov.
Eske sala keteıik, Qadyrov qazan aıynyń basynda Ýkraınanyń ońbaı qatelesip, Reseımen tatýlasý múmkindigin ýysynan shyǵaryp alǵanyn aıtqan edi. Oǵan Sheshenstan basshysy Ramzan Qadyrov Ýkraına Prezıdenti Vladımıra Zelenskıı men onyń áriptesterin kinálady.
"Adyrna" ulttyq portaly
