Almaty qalasyndaǵy №4 qalalyq perzenthanasynda salmaǵy 5 keliden asatyn qyz bala dúnıege keldi, dep habarlaıdy «Adyrna» tilshisi.
Anasy qyzyn Darıa dep atady. Aıtýynsha, ol — otbasyndaǵy tórtinshi bala.
Mamandar ýltra-dybystyq zertteý kezinde sábıdiń salmaǵy 4600-4800 bolady dep boljanǵanyn atap ótti. Sol sebepti dárigerler Darıany kesar tiligi arqyly bosandyryp alýy kerek edi.
«Ýltradybystyq zertteý kezinde ishtegi náresteniń salmaǵy 4600-4800 bolady dep boljanǵan. Kenet tolǵaq qysyp, qarashanyń birinde tańǵy saǵat 5:30-da tabıǵı jolmen dúnıege qyz bala keldi», – deıdi akýsher-gınekolog Aınur Imanqulova.