Almatyda 3 mlrd teŋgege salynǧan mektep qaq aiyryluy mümkın. Ǧimarattyŋ qabyrǧalary qaqyrap, ırgetasy şöge bastaǧan, dep habarlaidy “Adyrna” ūlttyq portaly “Qazaqstan” ūlttyq arnasyna sıltep.
Alaŋdauly ata-analardyŋ keibırı balalarymyzdy sabaqqa jıbermeimız dep bekınıp otyr.
2021 jyly ǧana qoldanysqa berılgen mektep ǧimaratynyŋ qazırgı jai-küiı osy. Nysannyŋ qaq ortasynda tüsınıksız jaryq paida bolǧan. Oqu ornynyŋ direktory tiıstı organdarǧa şaǧymdanyp, eşqandai jauap ala almaǧan soŋ, qoǧamdyq bırlestıkterge jügıngen. Täuelsız ūiymdar tekserıs jürgızıp, bırşama olqylyqty anyqtaǧan.
«Men talaidy kördım bıraq, mynadai qūrylys normalarynda osyndai ekıge bölıp, bylai qaŋyltyrmen jauyp qoidy degendı bırınşı ret kördım. Qūrylysşylardan sūrasaq, mümkın emes dep taŋ qalady. Qalai tolyq betonnan qūiylǧan ǧimarat osylai ekıge bölınıp tūrady?!», - deidı qoǧamdyq bırlestık ökılı Bolat Äbıljanov.Saldarynan ǧimarattyŋ aldyŋǧy bölıgınıŋ ırgetasy şöge bastaǧan. Ony myna jaryqtardan anyq aŋǧaruǧa bolady. Şetelde ıssaparda jürmın degen mektep direktory problemalardy telefonmen jetkızdı.
«Qūrylys sapasyz jürgızılgendıkten jaŋbyr jauǧan kezde töbesınen su aǧady. Qabyrǧalary jaryla bastaǧan, dälızdegı kafelderı köterılıp jatyr. Joba boiynşa eŋ qymbat esıkter salynuy kerek bolsa, 12 myŋdyq qaǧaz esıkter salynǧan», - deidı №202 mektep-gimnaziiasynyŋ direktory Bolat Janaihan.Synyptardaǧy eden de oiylyp, ışıne tüsıp jatyr. Nysan qūrylysyna tapsyrys bergen jäne ony qabyldaǧan Almaty qalalyq Qūrylys basqarmasyna habarlastyq. Olar tekserıs jürgızuge uäde ettı.
«202 mektebımız 10 bölek blok dep atalady. Sol bloktardyŋ qūralǧan jerı antiseismikalyq tıgıs bar. Ol bloktardy özara qosady. Seismikalyq jaǧdaida mektep qabyrǧalarynyŋ tolquyn dūrystau üşın berılgen. Merdıger mekeme, tehnikalyq baǧdarlau mamandary bar. Taǧy da jūmystar jürgızıledı. Şikılıkter bolsa, jöndeu jūmystaryn jasap beremız», - dedı qalalyq Qūrylys basqarmasy basşysynyŋ orynbasary Oljas Täjıbaev.Basqarma basşylyǧy ǧimarattyŋ apatty jaǧdaida emestıgın alǧa tartyp, kem-ketıgı jyl soŋyna deiın tüzetıledı dep sendırdı. 1200 balaǧa şaqtalǧan bılım oşaǧynda qazır 2000-nan astam oquşy oqyp jatyr.
Ūqsas jaŋalyqtar
