Belgili telejúrgizýshi Láılá Sultanqyzy óziniń instagram paraqshasynda marqum kúıeýi Qaırat Berkinbaev týraly áserli jazba jarııalady, dep habarlaıdy “Adyrna” ulttyq portaly.
«Meniń Qaırekem… Sońǵy úsh kún túsim sııaqty. Sengim de, moıyndaǵym da kelmeıdi. Otasqanymyzǵa 16 jyldan asty. Erkeletti, ıkemdedi, úıretti. Endi ǵana, mine, uldar ósti degende…
Ishtegi sezimimdi aıtarǵa sózim, jazarǵa áripterim de jetpeıdi. Qaldyrǵan izi, atqarǵan isi kóp, áli de qansha jospary bar edi… Olar týraly aıtýǵa da qarsy bolatyn. «Alladan qaıtady», - dep aýyz ashqyzbaıtyn. Sizderge de jıi aıtpaıtyn sebebim osy edi.
Qazir de ıisi murnyma kelip, sózi qulaǵymda oınap, kóz jasym toqtamaı, qorqynyshty tús kórip jatqandaımyn. Aǵamnyń ketkenine kóp bolmap edi, al endi báıteregim qulady», - dep jazdy ol.
Sondaı-aq, Láılá qazaǵa baılanysty kóńil aıtyp jatqan jandarǵa alǵysyn aıtty.
«Kóńil aıtyp, jazyp jatqan barshańyzǵa raqmet. Qazir otbasymyz úshin óte qıyn ýaqyt, balalar úshin eki ese qıyn. Eshteńege shamam da, múmkindigim de joq. Tánim men janymdy, mıym men kúıimdi júıelep alǵansha túsinistikpen qaraýlaryńyzdy shyn júrekten ótinip suraımyn», - dedi ol.
Aıta keteıik, 6 qarashada Qazaqstan Respýblıkasy Prezıdenti Is Basqarmasynyń Medıınalyq ortalyǵy «Oqjetpes» emdeý-saýyqtyrý kesheni AQ prezıdenti Qaırat Berkinbaev ómirden ótken edi.
