Nūr-Sūltanda jantürşıgerlık jol apatynan 5 adam qaza tapty, - dep habarlaidy “Adyrna” ūlttyq portaly Tengrinews.kz saityna sılteme jasap.
Polisiia departamentınıŋ baspasöz qyzmetı oqiǧa 30 qyrküiekte saǧat 00.34-te bolǧanyn habarlady.
"Toyota Camry avtokölıgınıŋ 19 jastaǧy jürgızuşısı Esıl özenı arqyly ötetın köpırden Saraişyq köşesıne qarai jürıp, jyldamdyq rejimın saqtamaǧandyqtan ruldı basqara almai qarsy qozǧalys jolaǧyna şyǧyp, Nexıa Ravon avtokölıgımen soqtyǧysqan",-dep habarlady polisiia.
Jol apaty saldarynan bes adam qaza tauyp, taǧy bır jolauşy türlı jaraqattarmen auruhanaǧa jatqyzyldy.
"Oqiǧa ornynda ekı jürgızuşı, üş jolauşy qaitys boldy. Toyota Camry-dıŋ bır jolauşysy auyr halde qalalyq auruhanaǧa jatqyzyldy. Atalǧan derek boiynşa qylmystyq kodekstıŋ 345-baby 4-bölıgı "kölık qūraldaryn basqaratyn adamdardyŋ jol qozǧalysy nemese kölık qūraldaryn paidalanu erejelerın būzuy" boiynşa qylmystyq ıs qozǧaldy", - dep tolyqtyrdy vedomstvo.
Polisiia departamentı jürgızuşılerden jol erejelerın qataŋ saqtaudy sūraidy.
