1 qyrküiekte Prezident Qasym-Jomart Toqaev Qazaqstan halqyna jyl saiynǧy Joldauynda injenerlık jelılerdı jaŋartudy tapsyrdy. Onda ol ükımetke elımızdegı jylu jäne su jelılerın jaŋartu kerektıgın basa nazarǧa aluǧa pärmen berdı, dep habarlaidy «Adyrna» tılşısı.
Memleket basşysy öz Joldauynda: «Elımızde elektrmen jabdyqtau jelılerınıŋ üşten ekısı, jylu kommunikasiialarynyŋ 57 paiyzy jäne sumen jabdyqtau jelılerınıŋ jartysyna juyǧy tozǧan. Būl sandar oidan şyǧarylǧan joq. Tarifterdı jasandy tejeu elektr jaryǧyn öşıruge, apattarǧa äkeledı, sonyŋ saldarynan azamattardyŋ densaulyǧy men ömırıne qauıp töndırude», – dedı.
Monopoliialyq naryqtarda «İnvestisiiaǧa aiyrbas tarifı» jaŋa tariftık saiasatyna köşu qajettıgın eskerıp, Prezident jelıler men quattardyŋ tozuyn kem degende 15 paiyzǧa azaitudy tapsyrǧan bolatyn.
Qasym-Jomart Toqaevtyŋ būl tapsyrmasy Almaty şaharynda jüielı türde oryndaluda. Būl turaly Almaty äkımı Erbolat Dosaev Jetısu audany tūrǧyndarymen kezdesuınde aitty. Qala basşysy baiandamasynda audandaǧy injenerlık jelılerdı jaŋǧyrtu jūmystary qalai jürıp jatqanyna toqtalyp öttı.
"Osy jyldyŋ qyrküiek aiynda sızdermen kezdesken kezde Qūlager şaǧynaudanyndaǧy jylumen jabdyqtau jelılerın (1,7 km) rekonstruksiialau jūmystaryn tezdetu turaly mäsele köterıldı. Qūlagerdegı jylu jelılerın rekonstruksiialau qazan aiynyŋ soŋynda aiaqtaldy. Qūbyrlar jer astyna auystyryldy, asfalt qalpyna keltırıldı, eskı jerüstı qūbyrlary bölşektep alynyp jatyr", - dedı qala äkımı.Onyŋ aituynşa, Qazybaev köşesı, Rysqūlov daŋǧyly, Tätıbekov köşesı, Raiymbek daŋǧyly bölıgındegı ūzyndyǧy 57,9 km sumen qamtu jelılerın rekonstruksiialau jäne kanalizasiia salu jūmystary (su qūbyry – 42,9 km, kanalizasiia– 15 km) aiaqtalyp keledı. Būl rette qazylǧan barlyq köşeler biylǧy qaraşa aiynyŋ soŋyna deiın tiısınşe qalpyna keltırıletın bolady.
"Audan tūrǧyndaryn, atap aitqanda, Palladin – Pavlodarskaia – Selskaia – Boraldai köşelerı men Kemel şaǧynaudanynyŋ tūrǧyndaryn elektr quatymen üzdıksız qamtamasyz etu üşın 40 km eskırgen jelılerdı rekonstruksiialau jūmystary jürıp jatyr. Jūmystar osy jyldyŋ tamyz aiynda bastaldy. Qazırdıŋ özınde 800 tırek ornatylyp, 15,8 km kabel tartyldy. Palladin – Pavlodarskaia – Selskaia – Boraldai köşelerındegı jūmystarosy jyldyŋ soŋyna deiın, Kemel şaǧynaudanyndaǧy jūmystar 2023 jyldyŋ säuır aiynda aiaqtalady", - dep mälımdedı megapolis basşysy.Onyŋ aituynşa, būl 4 000-nan astam abonenttı üzdıksız elektrmen qamtamasyz etuge mümkındık beredı. Osy jyldyŋ soŋyna deiın Jetısu audanyndaǧy 6 köşede jaryq jüiesın jaŋartu jūmystary jürgızıletın bolady. Bırınşı kezektegı jartylai jaryq jürgızılmegen köşelerdı jaryqtandyru maqsatynda osy jyldyŋ soŋyna deiın Jetısu audanyndaǧy 76 köşege syrtqy jaryqtandyru jelısın jürgızu jūmystary aiaqtalady.
