Almatyda Qasym-Jomart Toqaevtyń jaqtastary belgili aqyn, qoǵam qaıratkeri Muhtar Shahanovpen kezdesti, dep jazady "Adyrna" ulttyq portaly.
Orda.kz habarlaýynsha, aqynmen kezdesken Toqaevtyń jaqtastary prezıdenttiń saılaýaldy baǵdarlamasy týraly sóz qozǵady.
– Elde úlken saıası naýqan, bul tarıhı sát. Árbir qazaq azamaty atsalysýy kerek. Qasym-Jomart Toqaevtyń saıasatyn qoldaımyz. Prezıdenttiń saılaýaldy baǵdarlamasy halyqtyń kókeıinde júrgen barlyq máseleni qamtıdy, – dedi Sabyrjan Zaınıdınov.
Toqaevtyń jaqtastaryn tyńdaǵan aqyn bata berip, Toqaevty tolyq qoldaıtynyn aıtty.
– Qasym-Jomart Toqaevtyń saıasatyn tolyq qoldaımyn. Sebebi, oǵan teńdes adam joq. Óte shynshyl adam. Eldik, ulttyq múddege tereń tamyr jibergen adam. Toqaev degende ishken asymdy jerge qoıamyn. Shyndyq bıiginen, rýhanı ádildik bıiginen boı kórsete berińder! Sol bıikte bas qosa bereıik, – dedi Shahanov.
"Adyrna" ulttyq portaly
