Jelide reseılik dintanýshy Shámil Alıaýtdınovtyń Astanadaǵy forýmǵa qatysýy qyzý talqyǵa túsip jatyr. Óıtkeni, onyń soǵysty qoldaıtyn vıdeosy kóptiń ashýyn týǵyzǵan, dep habarlaıdy “Adyrna” ulttyq portaly.
4 jeltoqsanda Astanada «Jańa shynaıylyq» atty úlken forým ótedi. Aldyn ala taraǵan aqparatqa sáıkes, ol forýmǵa belgili qazaqstandyq kásipker Marǵulan Seısembaı, bloger Beıbit Álibekov pen reseılik dintanýshy Shámil Alıaýtdınov qatyspaq. Áleýmettik jeli qoldanýshylary Alıaýtdınovtyń Ýkraınadaǵy soǵysty qoldap sóılegen sózin bólisip, forýmǵa onyń qatysýyna jol bermeý kerek dep pikir bildirip jatyr.
Depýtat Murat Ábenov te Facebook paraqshasyna Alıaýtdınovtyń Qazaqstanǵa kelýine qarsy ekenin bildirip jazba qaldyrdy.
«Bundaı qózqarasy bar adam qazaq eliniń jas azamattaryn ne úıretpek, ımam retinde qandaı ýaǵyz aıtpaq? Jeltoqsannyń basynda Almatyda úlken forým ótkizemin degen jarnamasyn baıqadym. Táýelsiz meleketke qarýly áskermen kúshtep kirip "tártipke" keltirý kerek degendi qoldaǵan bolsa, erter jeme-jemge kelgende bizdi de jaqtaı qoımas. Kerek pe ol bizge? Mýhorıapovtiń bir túri emes pe "ózimizdiki-bizdiki" dep júrgende , arǵy jaqqa aýnap túsetin?» - dep jazady Murat Ábenov áleýmettik jelide.
