Zańger Aıgúl Orynbek reseılik jazarman, arandatýshy Aleks Lessıdiń sózine bola dúrlikken azamattarǵa úndeý joldap, qazaq memleketin damytýdyń naqty jolyn usyndy. Avtordyń paıymdaýynsha, qazaq er-azamattary qyzdaryn qyzǵyshtaı qoryǵany sekildi jemqor júıemen de alysýy qajet. Elin damytý jolynda ıntellektýaldy kúsh-jigerin, tehnokratııalyq qabilet-qarymyn sarp etkeni durys. Sonda ǵana qoǵamda ilgerleý bolady.
- Quranmen júretin eldiń erkekteri - bıik-bıik ǵımarattar salyp, elin damyǵan elderiniń qatarynan bir-aq shyǵarǵan! Moıyndaý kerek, búkil álemniń aldyńǵy qatarly ozyq kompanııalary osy elde! Bul el seniń dinińe, kıimińe qarap turǵan joq, memleketke qosatyn úlesiń ıaǵnı ınvestıııań men mıyńa muqtaj! Tipti Allanyń úıi bolyp sanalatyn meshitke de basqa din ókilderin kirgizip aqsha taýyp otyr! - dep bastaıdy óz jazbasynyń betasharyn zańger.
Keıinnen avtor qazaq erkekteriniń zaman talabyna saı syn-cıpatyn aıshyqtaýǵa oıysady. Onyń pikirinshe, naǵyz qazaq azamaty - bilim-biliktiligi kelisken tulǵa.
- Al bizdiń erkekter she? Qyzdardyń kıimimen, odan qalsa ózińmen alysyp, salǵylasyp ursyp, eń sońynda jala jabýdan asa almaı keledi! Qazaqtyń erkekteri - myqty bolsa, qazaqtyń qyzdarymen emes, myna jemqorlyq jaılaǵan “eski júıemen” alysar edi! Al bizdiń jigitter - ádiletsizdikpen kúresip júrgen qyzdarmen ǵana kúresýge shamalary jetip, “myqtymyz” dep otyr ázirge! Sondyqtan ǵoı… Názik jandy qyz retinde ádiletsizdik jaılaǵan júıemen kúshimniń jetkeninshe kúresip júrmin! Keıde osynyń bári - maǵan ne kerek dep, qolymdy bir-aq siltegim keledi… Biraq, “eski júıeni” tórt aıaqtap qoldaıtyn jaǵympaz erkekterdi kórgende , namystan órtenip ketemin! Elimizdiń erteńi úshin sál bolsada úlesim bolsyn dep, kúreske shyǵamyn! O Qudaıym, Qazaqtyń erkekteri Leslıge qarsy shyqqandaı, jemqorlyq jaılaǵan “eski júıemen” de osylaı ashyq kúresse ǵoı! Ánsheıinde únsiz otyratyn Muhamedjan Tazabek, tipti qyzdarymyzdyń aryn qorǵaǵan “keıippen” vıdeo-úndeý túsiripti! Sol Muhamedjan qazaq qyzdary “náskıshe” talaq qurbandary bolyp jatqanda, nege osylaı vıdesymen úndeý joldamady eken?! Álde qazaqtyń jigitterine qazaqtyń qyzdaryn qorlaı berýge bolady, al basqalarǵa bolmaıdy ma?! Aǵalary mıllıardtaǵan qarjylardy shetel asyryp, eldi tonap jatqanda - nege osylaı vıdeo úndeý jasamady?!Endi kelip qyzdardyń ary qorǵap qalypty-mys! Qyzdardyń aryn qorǵaǵyń kelse - eń aldymen, óz elińdi jemqorlyqtan tazala! Jemqorlyǵy tazarǵan eldiń - qyzdary da, olardyń ary men namysy da taza bolady! Meni Lesılı degenniń vıdeosyna belgilep, “nege ún qatpaı otyrsyń, áliń tek hadjappen kúresýge jete me?”,-dep tegteı berýdiń esh qajeti joq! Bul kezekti saıası provakaııa, ıá arandatýshylyq! Bul degen - saılaý aldynda halyqtyń arasynda alaýyzdyq týdyrý úshin jasalyp jatqan “bylyq-dúnıe”! Qazaq qyzdary - aqymaq emes, kim kóringe etegin ashyp jata beretin! - dep óziniń bolattaı berik oıyn túıindedi Aıgúl Orynbek.
"Adyrna" ulttyq portaly
