Astanada kóp qabatty úıden shyqqan órtten úsh adamdy qutqaryp alǵan Asqar Zabıkýlın aýrýhanada kóz jumdy. Onyń artynda áıeli men eki balasy qaldy.
Onyń denesiniń 80 paıyzyn kúıik shalǵan edi.
Óz ómirin qaterge tigip, adamdardy ajaldan arashalap alǵan, batyr azamat Memleket basshysynyń jarlyǵymen birinshi dárejeli Aıbyn ordenimen marapattaldy. Sonymen qatar, onyń otbasyna páter syılanǵan bolatyn.
Aıta keteıik, 16 qarasha kúni Astanadaǵy Momyshuly dańǵylynda 15 qabatty úıde órt shyǵyp, órt sóndirýshiler óz ómirin qaterge tigip, bes adamdy aman alyp shyǵarǵan bolatyn.
Asqardyń otbasy men jaqyndaryna “Adyrna” ujymy qaıǵyra kóńil aıtady! Er esimi - el esinde máńgi saqtalady!
