1986 jylǧy jeltoqsandaǧy qandy oqiǧada qūrban bolǧan qazaqtyŋ batyr azamattarynyŋ bırı Erbol Sypataev jaiynda saqtalǧan derekter.
«Syrt kiımderı jyrtylyp, iyqtaryna tögılgen şaştary qobyraǧan qos boijetkendı yǧyna alyp qorǧaştai şegıngen Erbol būlarǧa qūtyrǧan itşe aqyryp jetıp kelıp, ondy-soldy keltegın sermegen sauyttyny aiaqtan şalyp kūlatty da, qasyndaǧylarǧa «tez qorşaudan şyǧalyk» dep qoldarynan jetelep, qarsydaǧy köpqabatty üilerdıŋ qalqasyna qarai jügırdı. Būlar qarulylar qorşauynan jügırıp ötıp, tar köşenıŋ boiymen tömen qarai tüse bergende, art jaqtan estılgen zıldı dauysqa jalt qarasa, qoldarynda saper küregı bar ekı formaly quyp keledı eken. Erbol qyzdarǧa: «Eşteŋege qaiyrylmai tez jügırıp, ülken köşege şyǧyp ketıŋder» degenşe, ökşelep kelıp, közderıne qan tolǧan qaruly ekeu bas salyp, Erbolmen aiqasa kettı. Qolyna, iyǧyna tigen kürek soqqylaryna karamastan, arpalysqan Erbol olarǧa bırazǧa deiın aldyrmady. Ūzyntūrasyn jambasqa salyp, alyp ūrdy. Tūra bergenı sol edı, basyna sart ete tüsken soqqydan äp-sätte közı qarauytyp sala berdı. Bar küşın jiyp, tönıp kelgen ekınşı soqqyǧa qolyn tösep ülgerdı. Bıraq, aiaǧy taiǧanap, sürınıp qūlady. Osy sätte ornynan äreŋ tūryp ülgergen ūzyntūra jügırıp kelıp, Erboldyŋ basyna auyr zatpen salyp qaldy. Qapyda qalgan albyrt jas gürs etıp qūlady. Aiauşylyq pen meiırımdılık ataulyny ūmytqan älgı ekeuı bylapyt sözderdı karşa boratyp, qūlap tüsken Erboldy aiausyz tepkınıŋ astyna aldy. Auyr soqqylardan Erbol esın joǧaltty. Odan ärı ne bolǧanyn bılmeidı. Esın jiyp, kırpıgın köteruge ǧana şamasy kelgende, baiqaǧany — maŋynda tūrgan aq halatty därıgerler edı.
Aldynda tūrgan aq halattylarǧa jalyny sönıp bara jatqan közderın qadap jatyp, ol «Qyzdar qūtyldy ma eken?» dep oilady. Olarǧa qarap jatyp, ol «Men alaŋǧa ölım ızdep barǧan joq edım ǧoi», «Elım-ai, erteŋıŋ ne bolar eken?» dep qinaldy… 1986 jyly jeltoqsannyŋ jiyrma üşı künı Erbol Sypataev nebärı 22 jasynda auruhanada jaryq düniemen qoştasty.
İä, ol Alaŋǧa ölım ızdep bargan joq edı…»
"Zaŋ" gazetı, 1997 jyl 14 jeltoqsan
"Adyrna" ūlttyq portaly
