8-synyp oqýshysy úıdiń shatyrynan óli tabyldy

3227
Adyrna.kz Telegram

Atyraý oblysynyń Jylyoı aýdanynda segizinshi synyp oqýshysy asylyp qaldy. Onyń denesin ata-anasy óz úıiniń shatyrynan tapqan, dep habarlaıdy “Adyrna” ulttyq portaly «Astana» telearnasyna silteme jasap. 

14 jastaǵy jasóspirim ózine qol salǵan kezde úıde eshkim bolmaǵan. Oqıǵa demalys kúni oryn alǵan. Odan bir kún buryn jasóspirim densaýlyǵyna baılanysty sabaqqa barmapty. Ony ata-anasy synyp jetekshisine eskertken. Al apta basynda osy mektepte destrýktıvti dinı aǵymdar, sýııd, zorlyq-zombylyq taqyryby boıynsha joǵary synyp oqýshylaryna aqparattyq túsindirý jumystary ótkizilipti. Mekteptegi sharalarǵa belsene aralasatyn oqýshynyń mundaı qadamǵa nege barǵanyn ustazdar da túsine almaı otyr.

«Oqýshy óte ashyq minezdi, basqalarmen de, synyptastarymen de, muǵalimmen de, synyp jetekshismen de jaqsy qarym-qatynasta boldy. Eshqandaı da oǵash minez-qulqyn kórsetken emes. Dálizde de ózin tártipti ustaıtyn boldy. Sabaqtan sebepsiz qalmaıtyn», - deıdi №18 M. Satybaldıev atyndaǵy orta mektep dırektorynyń tárbıe isi jónindegi orynbasary Rysgúl Qadyrova.

Jasóspirimniń sýııdke ne úshin barǵanyn polıııa anyqtap jatyr.

Aıta keteıik, oblysta jyl basynan beri 16 jasóspirim óz-ózine qol jumsaǵan, onyń úsheýi qaıtys boldy.

«Jylyoı aýdanynda bolǵan sýııd deregine baılanysty qazirgi tańda QK 105-babyna sáıkes tergeý amaldary júrgizilýde. Jáne de qaıtys bolǵan 2008 jylǵy jasóspirimniń buryn minez-qulqynda eshqandaı tártipsizdik derekteri tirkelmegendigi anyqtalǵan», - dedi Atyraý oblystyq PD baspasóz hatshysy Meıirim Erdáýlet.

Pikirler